Popular Bible Verses from Ezodu 23

Share

<<Mudilabege miyo Yehova Mulugu wenyu. Mwaira eno miyo nnerege reliha jodja jenyu na mahindje enyu. Eto nnoza dikumihevo marenda vari venyu. Mwilamboni mwenyu kamuza mufwanyeyaga muhiyana otatila nne muhiyana ohobala. Nnerege sakanya ira mukalegewo malambo madjindji.

<<Miyo dagali Yehova nnomuruma mungelro ira ausogolrelreni vamohi no uing'anelani mundila eto aufiyiheni nimburo neno dusakanyeleni miyo.

<<Mbwenye nyo mwakala atu ovwelela mazu matene unawongege liye eto muiragana jatene jinafuna miyo wonga, mutu wenno unafuna kala mwidaninyu, na miyene unakala mwidanaga. Eto mutu wenno unauharaharegeni, na miyene nnoza dimuharaharege.

Waaona atu oindjiva kairagana yengo yotakala, we kwaahare ira uiregena yengo imohive yenno inaira atu. Eto kuhidedelege umboni onama moahara atu oindjiva ira ugombihe matongelo a ibaribari. Mutu osimela akana mulandu, kunvahege razawu na mwasa osimela waye wewo.

Yehova ohowongagave eraga: <<Kuwongege jengo jonama jinavwa we jomunukeda mutu. Eto kuvwanane na mutu wabure ira uwongege umboni ofuna mugwihana mulandu mutu ahanna mulandu.