Popular Bible Verses from Ezodu 2

Share

Mulugu ohovwa nla wewa eto ohoumbuwela yopangana yasakannye liye na Abarahamu na Izaki na Jako. Mulugu ohoona uzari wa Ana Izarayeli eto ohoroma akukumuwela.

Vagavirile malambo madjindjene, mwene wa Ijipitu ohokwa. Mbwenye Ana Izarayeli dumbela wewa werave simbwa, kakuwaga na mwasa wa uzari wewa. Mwa enne nla wewa undimuwa wohogwela wa Mulugu na mwasa wa uzari wanna atu.

Agaulukunle, ohomudowana wa mwana Farawu. Mwanole ohoroma kala mwana Farawu mwanaye. Evale mwana Farawu ule ohonvaha nzina na Mozeji [ku wonga mutu otavuliwa], liye wongaga ira: <<Mwasiwa miyo dimutavunle mmahindjeni!>>

Agazile, mwana Farawu ule ohowongaga na mwanole mmaye, liye kwi: <<Umutukule mwanola, udowe wamulelege para miyo, fiyeda aulukule, amala umuzena. Miyo nnoutambilriha zela mabasa anafuna we laba omulela mwanola.>> Evale muhiyanole ohomutukulaga mwanaye ule, liye dowa mulelaga.

Mwa enne mwana Farawu wa muhiyana ohodowaga muhindje Nilu ira ahambe. Evale agafiyile iko ule, ahiyana anno kamulaba kohoromaga wendawenda mutcherelani mwa muhindje ule. Mwa enne mwana Farawu ule ohoonaga ngogoda agali vari va mirere, liye muruma namalabaye mmohi, liye dowela ngogoda ule, nvaha.

Mozeji agaulukunle, agali sawa, siku nimohi ohovenyaga ira adowe aaone abalaye aEberewu. Agafiyile wewule, ohoonaga mabasa orutcha kalaba atu eto ohonfwanyaga muEberewu mmohi abubudiwaga na muIjipitu. Evale Mozeji ohoing'anaga wu na wu. Agaonne ira kaliwo mutu, ohompa muIjipitule, liye nvuhelela vamisevani.