Popular Bible Verses from Detoronomiyo 7

Share

Mwa eno, inafwanela muiziwe ira Yehova Mulugu wenyu gu Mulugu ororomeleya wenno unakwakwaneliheda yopangana yaye. Zela mutu wenno unamuzivela eto aharihaga malamulo aye, unomuoniha zivela waye roma liye, dowaga ahimaye eto ahimaye anno ahimiwa, vamohi na ahimiwa anno ahimiwa dowagave eno fiyeda ndila 1.000.

Mwasiwa nyo munafwanyeya mwagali atu otchenihiwa para Yehova Mulugu wenyu wenno uusakunlreni ira mukale atwaye muwari mwa atu atene anafwanyeya mwilamboni yatene ya vati.

Mbwenye Yehova ohoukumihani mwilamboni mule na ndanda naye na kopolo eto ohouwombolani muuzarini mwafwanyeya nyo mmandani mwa Farawu mwene wa Ijipitu na mwasa ozivela wanna liye na nyo eto ira akwakwanelihede lumbela walumbenle liye na makolo enyu.

<<Yehova ira auziveleni eto ira ausakulreni kahi ira nyo mwali atu oindjiva kwaranya atu amohiwa nari. Tchoira nyo mwafwanyeya mwagali atu a vang'ono kwaranya atu atene.

Munorelihiwa na makalelo ohokala a masika kwaranya atu atene a mwilamboni. Muwari mwa nyo kaza akalamo muhiyana nari mulombwana ohobala. Nne muwari mwa anavinyama enyu atene kaza akalamo mwanainyama ohorela.