Popular Bible Verses from Detoronomiyo 5

Share

<<Umurihedege babawo na mmawo nnga mwemo muuwandenle Yehova Mulugu wawo ira ugonele malambo madjindjene eto ira jatene juwendelege pama ilambo yenno inafuna Yehova Mulugu wenyu uvahani.

Muwendege ndila yatene yenno inaurumani Yehova Mulugu wenyu ira mukalewo eto ira jatene juwendelegeni pama eto ira malambo enyu kaindjive muwari mwa ilambo yenno inafuna nyo dowa tukula ira ikale yenyu.>>

Kamukokorele eto nne kamutamalele jejo mwasiwa miyo Yehova Mulugu wenyu dili Mulugu okana sandje. Tchoira atu anno anadiida, miyo nnotonga yotega yewa mwa ahimiwa anaabalege atu, fiyeda azuliwa ahimiwa. Mbwenye zela anno anadiziveliwa miyo, kaharihagamo malamulo aga, nnoaoniha zivela waga wororomeleya roma aliwa, dowaga ahimiwa eto ahimiwa anno ahimiwa, vamohi na ahimiwa anno ahimiwa dowagave eno fiyeda ndila 1.000.

Kamusakanye nlandaniho nosemiwa ira mutamalelege, nne yofwalrafwaniha ya yengo ili yatene inafwanyeya zulu nari mwilamboni ya vati nari mwiko.

Kamukayena amilugu amohiwa ahali miyo.

<<Kamuromolege nzina na Yehova Mulugu wenyu vasayi. Mutu wenne unaromole nzina naga vasayi, miyo dagali Yehova nnomubalra nnga mutu okana mulandu.

Ahakale aliwa kakana murima wenno, kadiovaga eto kaharihaga malamulo aga malambo matene, jatene jerege awendela pama aliwa vamohi na ahimiwa kala no kala.

<<Muharihegemo siku na sabado ira nikale siku notchenihiwa nnga mwemo Yehova Mulugu wehu aurumeleni liye.

<<Kumusilrilre mwadi mwinnya, nne kufune nyumba ya mwinnya, nne mundaye, nne namalabaye wa mulombwana nne namalabaye wa muhiyana, nne ng'ombe yaye nne buru waye nne yengo yatene ili yaye.> >>

<<Kuraruwe.

<<Kuwonge umboni onama omunukeda mutu.

<<Kumpe mutu.

<<Kube.

Tchoira munerege umbuwela ira mwali azari mwilamboni mwa Ijipitu eto Yehova Mulugu wenyu ohoukumihanimo mwilamboni mule na ndanda na kopolo vamohi na muwono owongowa. Nona Yehova Mulugu wenyu auwandelagani ira mukoyege siku na sabado.

Mulabege eto muhindege mabasinyu ali matene muwari mwa malambo matanu na nimohi. Mbwenye siku nanetanu na mbinli ti siku na sabado, siku nomuumbuwela Yehova Mulugu wenyu. Siku neni nafiya kamuhindege mabasa ali matene, nyo nari mwaninyu wa mulombwana, nari mwaninyu wa muhiyana, nari namalaba wa mulombwana, nari namalaba wa muhiyana, nari ng'ombe nari buru, nari ifuwo yenyu ili yatene nari mutu oza, wenno unakala vamohi na nyo, kakalevo unafuna hinda mabasa. Ili ira namalabinyu wa mulombwana nari wa muhiyana avume nnga munavumela nyo.

<Miyo dili Yehova Mulugu wenyu uukumihileni ilambo ya Ijipitu muuzarini mwafwanyeya nyo.