Popular Bible Verses from Detoronomiyo 4

Share

<<Nyo mwagali wewule, mwagamanle holowa, malringana mwanvenda Yehova Mulugu wenyu na mmirimani mwenyu mwatene no kalawo wenyu watene, munonfwanya.

Tchoira Yehova Mulugu wenyu gu Mulugu wa tangaranga. Mwavwelela inawonga liye, Mulugu kanauhiyani, nne kanautolotchani nne kanadiwala yopangana yenno yalumbenle liye na makolo enyu.

Tchoira Yehova Mulugu wenyu gu munlo otolotcha eto gu Mulugu okana sandje.

<<So inafwanela mukale ororomeleya. Eto polre polre tawiha ira munadiwale jejo jionne nyo na meso enyu eto kajikumemo mmirimani mwenyu kalawo wenyu watene. Eto mwaawandelege ahiminyu vamohi na ahiminyu ahimiwa.

Nona peno inafwanela muiziwe eto muumbuwelege mmirimani mwenyu ira Yehova bahi gunafwanyeya agali Mulugu wa zulu na ilambo ya vati. Kaliwo Mulugu mmohiwa.

Tchoira kanilivo nlogo nne nimohi nindimuwa nnawanda wandameliwa na mulugu wewa nnga makalelo unaniwandamela Yehova Mulugu wehu fendo datene nnamuitana hiyo.

Mwa tempu yenno mwaza mukala mmakatamihoni eto ubure watene wenna waufwanyani, magomelo wa malambo anne munoza murungunuwe muing'ane wa Yehova Mulugu wenyu eto muvwelelege jowonga jaye.

Muwari mwa mazu matene anaurumani miyo, kikalevo mazu anafuna nyo wendjeda nne vungula. Mbwenye inafwanela muharihege malamulo a Yehova Mulugu wenyu anno nnauwandelani miyo.