Popular Bible Verses from 2 Tesalonika 2

Share

Nyo kamunyengiwe na mutu zela yengo ili yatene. Tchoira siku na Nabwiya nahanaze, ikala tempu inafuna za yoira atu oindjiva kahiye ja Mulugu. Eto siku na Nabwiya nahanaze, unoza aoneyihiwe mulombwana oirana jinakondiha malamulo, mwana ofuna tolotchiwa.

Abalihu oziveliwiwa na Nabwiya, hiyo vano nagarati ili pama nimutamalele Mulugu mwasiwa liye uusakunlreni kuma voroma vene ira muvulusiwe. Musakulriwe ira muvulusiwe muwari motchenihiwa na Munemba Otchena eto muwari mwa nyo rumela ibaribari.

Mulombwana wenno unoza awane eto unovitukulela nnga mutu oakwaranya amilugu atene anaahara atu nari jatene jinatamalela atu. Eto liye unoza agarati Nyumba ya Yehova, awongege ira: <<Miyo vano dili Mulugu.>>

Nabwiya wehu Yesu Kiristu mwinnya na Mulugu Babihu na sayi dewa koniziveliwa hiyo eto konivaha pwaseya wohomala na yoing'anela yehu yapama. Yesu Kiristu na Mulugu kaupwaseyiheni eto kaulimbiheni mmirimani mwenyu ira muwandege irana no wonga japamave.

Nona, Mulugu unoza aahiye, unoza akumihemo zelru dapama, kawande roromela jonama.

Mulombwana wenno unafuna za, ahanapiwe na Yesu, Satana unonvaha kopolo dowanda irana jionihedo na jotikiniha ira liye awande anyenga atu. Eto Satana unonvaha malrango matene oanyengana atu anne anafuna tolowa. Aliwa anafuna katolowele mwasiwa kifunne ziveliwa ibaribari ira kawande vulusiwa.

Masiki mutu wabure ule ahanaze, jikala jengo jabure pwi jinakondiha malamulo jinaireya malambwala. Jabure ejo kajinaiziweya pama na atu a unde. Maliba muhiyiha mutu wabure ira ahaze tchineneva gu mmohive unalaba malambwala ira avungule jabure jinaireya. Mbwenye tempu inafuna dowa maliba hiyiha ule