Popular Bible Verses from 1 Amwene 3

Share

Mwa eno, miyo kannafuna yengo imohiwa. So nnafuna mudivahe zelru ira diwandege atonga atwinyu oindjivetchetcha mwapama eto diwandege hiyanihavo yapama na yabure. Kodi bani unawande atonga atwinyu oindjiva eni, ahakale nyo munvaha zelru?>>

Miyo nnouvaha yenno ivepile we. Nnouvaha zelru no onelramo wewo uli wahanababihege kana atu amohiwa a ilambo ya vati eto kalivo unafuna za kana sogolro.

Mwa enne Mulugu ohomuwandela eraga: <<Voira weyo uvepile zelru ira uwandege tonga na makalelo apama hiya vepa ira ingumi yawo igonele mwilamboni ya vati, nari jorayela, nari ira amwidanawo kakwe, uhusakanya pama.

Eto hiya yenno ivepile we bahi, miyo nnouvaha jengo jimohi jiwa jahavepile we. Nnouvaha jorayela vamohi na undimuwa, fiyeda ira kalawo wawo watene kaza akalawo mwene olingana na weyo.

Eto weyo wawenda na ndila daga, uharihaga jofuna jaga na malamulo aga matene nnga jairile babawo Davi, miyo nnowendjeda malambo a ingumi yawo mwilamboni ya vati.>>

Salomawu agali Jibeyawu, Yehova Mulugu ohozaga wa liye na mahiyu muwari moroha, liye ira: <<Kadivepe inafuna we ira miyo duvahe.>>

Nyo so Yehova Mulugu waga muhuwanda dihiya miyo namalaba wenyu ira dikale mwene vamalroni va babaga Davi namalaba wenyu. Miyo eto dili mwana muzombwe eto kadiiziwile makalelo ofwanela ira diiregena.

Evale Yehova ohoziveliwa yovepa ya mwene Salomawu.

Evale Salomawu ohowakulaga eraga: <<Yehova nyo mwanna muoniha babaga Davi namalaba wenyu zivela wenyu ulukulu mwasiwa liye ali mutu ororomeleya eto awenda na makalelo apama, eto ali mutu owongowa murima vamentoni venyu. Nyo mohokalelave muoniha zivela wenyu ulukulu eto muhufiyeda nvaha mwanaye mmohi ira agarati vampandoni vaye fiyeda peno.

Miyo namalaba wenyu nnafwanyeya vari va atu enyu anno mwaasakunlre nyo ira kakale enyu, anno anafwanyeya kagali atu oindjivetchetcha, anno kahanawanda kontareya.