Popular Bible Verses from 1 Amwene 19

Share

Indarandara ile yagavirile, wohozaga munlo. Mbwenye Yehova mmunloni mule kaalimo. Evale munlo ule agavirile, azilege aligi nizu nowongela vati vati, nofwasela.

Agamuhiyile namalabaye ule, liye ohovolowelaga mukokolani, liye roma wenda siku nompumbula. Mwa enne ohodowaga, liye garati vati va nfulri wa mwana mutengo mmohi eni. Agagaratile evale, oholobelaga avepaga ukwa eraga: <<Ante va, ikwakwana. So Yehova diwakeni ingumi yaga, tchoira miyo kadili wapama akwaranya makolo aga.>>

Evale Yehova ohomuwandelaga eraga: <<Kakumela unde, udowe vazulu va mwangola, vamentoni vaga. Mwasiwa miyo dagali Yehova nnafuna divire.>> Evale nohozaga nipevo nohokala na masika. Fiyeda ira nipevo nne nobwanyulaga mwangole eto mabwe kotweyaga vamentoni va Yehova, kalaga nnga Yehova ali munipevoni mule. Mbwenye Yehova munipevoni mule kaalimo. Nipevo nne nagavirile, wohozaga indarandara. Mbwenye Yehova muindarandarani mule kaalimo.

Mwa enne mulombwana Eliya agavwile nizu nne, ohotukulaga kapa yaye liye kunelana koveni waye, liye kumela unde, liye kala va mulango va nifukwe nne. Eto noira enne wohokalaga nizu nazilege niwongaga ira: <<Eliya, kodi wewuno unahindawo nni?>>

Agafiyile mwangoni ule, ohodowaga liye volowa nifukweni eni, liye kala wewo mahiyu ompumbula. Mwa enne mazu a Yehova kohomuzelaga kawongaga keraga: <<Eliya, kodi wewuno unahindawo nni?>>

Noira enne, ohovenya, liye dja eto liye ng'wa. Mwa enne na kopolo dannaga liye muwari mwa jodja jile, ohomaruwaga, liye roma wenda malambo 40 ntana na mahiyu, ante liye dowa fiya mwango wa Mulugu aitaniwa Orebi.

Noira enne, ohogonantigi vati va mwana mutengo vale, liye fiyeda gonelavo. Evale mungelro ohozaga, liye musakwinya amuwandelaga eraga: <<Kavenya udje.>>

Evale mungelro wa Yehova ule ohowelaga za musakwinya akoka, liye muwandela eraga: <<Kavenya udje, mwasiwa ulrendo unadowa we uhulapa, wahadje kunafiyawo.>>

Liye ohowakulaga eraga: <<Miyo dili mutu unasimbwetcha zuzumela ira atu kauharegeni nyo Yehova Mulugu wa Makuru Matene. Tchoira Ana Izarayeli kohiya yopangana yenyu, kohomala bwanyula vibuwa denyu eto kohomala apa anamafiyiheda enyu na supada. Miyo meka bahi guhanle. Eto eni anadivenda ira kadipe!>>

Mwa enne Eliya againg'anne miruzuni waye, ohoonaga pawu yowotchiwa vazulu va makalra a munlo vamohi na jaro ya mahindje. Mwa enne ohodjaga, liye ng'wa, nomala liye gonanti akoka.

Na mwasa wenne, Jezabeli ohomurumaga mutu ira adowe wa Eliya amuwandele ira: <<Weyo wafiyeda metchelo ora nnga yenna miyo dahaupile nnga waapile we anamafiyiheda ale, amilugu kaditonge na makalelo anafuna atu.>>

Eto miyo dahakoya ilambo ya Izarayeli atwaga okwakwana 7.000 anno kahavindile mabodo ewa kamukokorela Baali eto nne aliwa mulomo wewa kabejarile ikwamutu yosema ya Baali.>>

Noira enne, mulombwana Eliya ohomaruwaga evale, liye dowa nfwanya mulombwana Elizewu mwana Safati. Mwa tempu yenne anfwanyilege Elizewu atipulraga vamohi na afwaye kumi na mmohi, kada mutu atipulraga na ng'ombe mbinli. Elizewu afwanyeyaga mundulri na ng'ombe mbinli dogomiheda, liye aharaga afwaye ale. Mwa enne mulombwana Eliya ohoviraga evo vafwanyeya Elizewu, liye nvokeda kapa yaye.

Mwa enne liye ohowelelaga mundulri, dowa tukula ng'ombe mbinli, liye pa. Eto ohotukulaga jimiri jomangana ng'ombe dile liye sakanya kuni, piyana nyama yatene yenne, liye avaha atu, aliwa dja. Noira enne, liye ohovenyihana, liye muharaga Eliya, roma mulabaga.

Evale mulombwana Elizewu ohiyaga ng'ombe dile, liye muharaga Eliya, liye wonga eraga: <<Dihiyeni didowe damulanye babaga na mmaga, era eno, duharegeni!>> Mwa enne Eliya ohomurumelaga eraga: <<Kadowa, miyo kannaukondiha. So mbwenye amala uwele.>>