Popular Bible Verses from 1 Korinto 13

Share

Wamuziveliwa nfwawo, weyo unowanda vilela eto unomuirela upama. Wamuziveliwa nfwawo, kunamukalela nrima eto kunavitetela eto kunavitukulela eto kunampudja. Wamuziveliwa nfwawo, kunalimbiheda jofuna jawo eto kunatamangela takaleliwa eto kunamuweliheda kunyakunya.

Wamuziveliwa nfwawo, unowanda levelela jatene, unororomela jatene, unodediha jatene eto unovilela mwa jatene.

Wamuziveliwa nfwawo, kunaziveliwa jabure jinera liye mbwenye unokana hagalala zela ja ibaribari.

Tempu ili hiyo ila, inafwanela mutu amuziveliwe nfwaye, akayena nroromelo, akayena dediha ja sogolro, mbwenye mwa jatene eji, ilukuluwa ku muziveliwa nfwawo.

Fiyiheda ja Mulugu unokana goma uwa. Eto wonga na viwongelo dohofundjiwa unoza umale. Eto iziwetchetcha unokana goma uwa. Mbwenye muziveliwa nfwawo kunakana magomelo uwa.

Masiki diwongege na viwongelo da atu nari na viwongelo da angelro, dahawande muziveliwa nfwaga, jowonga jaga jinakala nnga tamboro mohokala yengo agogodiwaga owu joimbana jinakala nnga parato jagogodiwaga jitiyaga baruni.

Masiki dikayena kopolo dofiyiheda ja Mulugu johiyana hiyana, masiki diwande onelramo jengo jokoyeya na zelru datene, masiki dikayena nroromelo nowanda tamiha mwango mowonga, mbwenye dahawande muziveliwa nfwaga, mwa jatene ejo, kadinukileve yengo.

Masiki ditukule jatene jinna miyo, dimale agawela atu osimela, masiki divelele maningwaga ira katumeyiwe, mbwenye dahawande muziveliwa nfwaga, jatene ejo kajinna mpindu para miyo.

Miyo vano dagali mwana, dawonga nnga mwana, daumbuwela nnga mwana eto daheletcha konta jengo nnga mwana. Mbwenye dagaulukunle, miyo dohoroma hiya mawendelo a mwana danna miyo.