Popular Bible Verses from 1 Korinto 12

Share

Munemba Otchena unonvaha kada mutu yolemelela yaye ira muwari mowenda na yolemelela ivahiwe liye, mutule awande alimbihana afwaye.

Nyo munafwanyeya mwagali maningo a Kiristu. Kada mutu unafwanyeya agali yano muwari mwa maningo mamohive.

Yano imohi yasegedeya, jano jatene jinosegedeya vamohi. Yano imohi yateteliwa, jano jatene jinohagalala vamohi.

Munemba Otchena unonvaha mutu mmohi ira awandege awelruza afwaye. Munemba Otchena mmohive wenno unanvaha mutu mmohiwa ira awandege wonga jengo joaiziwiha afwaye. Munemba Otchena mmohive unonvaha mutu mmohiwa ira akayena nroromelo nlukulu. Munemba Otchena mmohive unonvaha mutu mmohiwa ira aavulumutchege arenda. Mmohiwa unovahiwa ira airegena jengo jotikiniha. Mmohiwa unovahiwa ira awandege fiyiheda ja Mulugu. Mmohiwa unovahiwa ira awandege hiyanihavo ja Satana na ja Mulugu. Mmohiwa unovahiwa ira awandege wonga viwongelo dimohi diwa dahafundjile liye. Mmohiwa unovahiwa ira aatapulelege afwaye viwongelo dohofundjiwa nnawonga atu.

Mbwenye masiki mabasa analaba atu kaindjive, atu atene anowanda hinda mabasiwa muwari mwa kopolo da Munemba Otchena mmohive. Munemba Otchena mofuna mwaye gunanvaha kada mutu yolemelela yaye.

ira kada yano yahawandege kana gaweya na yano nfwaye mbwenye kada yano iwandege ikukumuwela yano nfwaye.

Jolemelela Mulugu jinivahile liye jihiindjiva mbwenye mutu unasogolrelra jolemelela jatene gu mmohive Munemba Otchena. Atu analaba mabasa ohiyana-hiyana kamulabaga Nabwiya mmohive. Masiki eto jengo jinalaba atu jiindjive, unaavaha atu atene kopolo ira kawande irana jatene gu Mulugu mmohive.

Ha jano jiwa, Mulugu muwari mwa nikuru na atu omuroromela Yesu, voroma uharuma anamarumiwa. Vowelela uharuma anamafiyiheda. Vowelela uharuma anamafundjiha. Nomala eno, liye uharuma aliba irana jotikiniha, aliba avulumutcha arenda, aliba akamiheda afwiwa, aliba sogolrelra jengo, aliba wonga na viwongelo dohofundjiwa.

Tchoira maningo kahi ira inakala yengo imohi, mbwenye tchi yengo inagumanihiwa jano jidjindji.

Mofutukula jano jejo jinaoneya nnga jovuta jihikana mabasa a ibaribari analaba atu.

Maningo matene kahakale niso, atu kafuna kavwege avi? Maningo matene kahakale nibaru, puno yahakalawo, maningo kafuna kaonege avi jonuka nari jonukela pama? Mulugu mbwenye uwanda gumaniha jano jatene ja maningo, liye tandaga kada yano na makalelo asakunlre liye. Mulugu ahapandutche yano imohive, maningo tchakalawo.