Popular Bible Verses from Jabuura 119

Share

Konngol maaɗa na laatii fitilla ɗowoowo kam, na ngol laatii jayngol dow laawol am.

Miɗo resi konngol maaɗa ley ɓernde am, faa taa mi waɗa hakke yeeso maaɗa.

Noy jokolle waawiri wuurdude e laaɓal? Sey nde haybani konngol maaɗa.

Barke woodanii ɗowtantooɓe jamirooje makko, filortooɓe mo e ɓerɗe muɓɓen fuu ɓeen.

Aan woni suuɗorde am e wawaade am. Miɗo heɗii konngol maaɗa.

Hokkam hakkillo faa mi tiigoroo Tawreeta maaɗa, mi ɗowtanoo ɗum e ɓernde am fuu.

Fooɗir muuyɗe ɓernde am to jamirooje maaɗa taa keɓal jawdi haɓɓa kam hakkillo.

Torra kaan laatanake kam ko wooɗi, sabo wallii kam e ekitaade sariyaaji maaɗa.

Ingol laatii baaltinoowol ɓernde am wakkati tiiɗalla, sabo wo kanngol wuurnata kam.

Rewnam laawol jamirooje maaɗa sabo iɗe mbeli kam.

Yaa Joomiraaɗo, hollam laawol jamirooje maaɗa faa mi tiigoo ɗe faa abada.

Mettorgal wullinii kam, semmbinɗinir ɓernde am e konngol maaɗa.

Miɗo horsini Tawreeta maaɗa lobbum. Miɗo miiloo ɗum wakkati fuu.