Popular Bible Verses from Esaaya 11

Share

Ruuhu Joomiraaɗo wondan e makko. Ruuhu hakkillo e paamal, Ruuhu tindinoore e baawɗe, Ruuhu anndal e kulol Joomiraaɗo. O seyorto hulugol Joomiraaɗo. O sarortaako e jiile yitere, o hiitortaako fodde ko yimɓe mbi'ata.

Hono no wilitere yaltirta dow rubilde noon, noon suka yaltirta e suudu Yesa.

O sarorto talkaaɓe e fonnditaare. O hiitorto torreteeɓe ley leydi ndiin e laaɓal. O fiyiran leydi ndiin konngol makko hono sawru. Henndu hunnduko makko halkan bonɗo.

Fonnditaare laatoto kaɓɓorgol seega makko de hoolnaare laatoo kaɓɓorgol makko.

Ko boni waɗataa, fay gootum halkataa katin dow waamnde am seniinde ndeen fuu. Sabo annduɓe Joomiraaɗo keewan e duuniyaaru hono no diyeele kebbinirta maayo noon.

Suundu wondan e ɓii mbaalu. Cirgu fukkoto ɗakkol ɓii mbe'a. Ɓii-nagge e ɓii laddeeru kawtan nyaamrugal, Ɓiɗɗo gorko pamaro duran ɗi.

Nyannde ndeen laatiiɗo ɗaɗol Yesa oon daranto yimɓe adunaaru hono maande, lenyi piloto mo, teddeengal wonan dow nokkuure makko.