Popular Bible Verses from Fuɗɗoode 50

Share

Onon le, on muuyiino waɗude kam ko boni, ammaa Laamɗo kaa muuyrii ɗum moƴƴere, faa danna yimɓe heewɓe hono no ɗum laatorii hannden nii.

Ammaa Yuusufi wi'i ɓe: — Taa kulee! Yalla miin wo mi Laamɗo naa?

Ndelle joonin, taa kulee. Mi jogoto on, onon e koreeji mooɗon fuu. Noon o deƴƴiniri ɓe, o waaltinii ɓerɗe maɓɓe.

«Mbi'ee Yuusufi nii: ‹Miɗo nyaage, yaafa sakiraaɓe maa hakke mo ngaɗi ma, njaafoɗaa bone mo ɓe ngaɗi ma oon› ». Joonin le si goonga, miɗen ŋaare, yaafa luttal amin, minen maccuɓe Laamɗo bammaa ɓeen. Nde Yuusufi nannoo haalaaji ɗiin ndeen, woyi.

Yuusufi wi'i sakiraaɓe muuɗum: — Mi ɓadake maayde. Ammaa Laamɗo wallan on. O wurtinan on e leydi ndi, o yaaran on ley leydi ndi o huninoo o hokkan Ibrahiima e Isiyaaka e Yaakuuba ndiin.

Yuusufi waɗi ɓiɓɓe Israa'iila kunii. O wi'i: — Laamɗo wallan on. Si oɗon ndilla ɗo fu, ndillidon e ƴi'e am.

Caggal ɗuum, Yuusufi maayi, duuɓi muuɗum wo 110. Ɓe mbuji mo ure heɓa taa o nyola, ɓe ndesi mo ley keesuwal ley leydi Misira.