Popular Bible Verses from Tindinoowo 2

Share

Laamɗo na hokka ɗowtaniiɗo ɗum hakkillo e anndal e seyo, ammaa gaɗoowo ko boni oon o ronndii ɗum gollal ɓoɓtude jawdi faa hokka kuloowo Laamɗo. De ɗuum du fuu wo ɓolum, wo riiwude henndu.

Walaa fuu ko ɓurani neɗɗo nyaamude e yarde e weltoraade golleeji muuɗum. De kanjum du, mi yi'ii ɗum ƴuuraanaa e junngo Laamɗo. Sabo noy nyaamirten naa du keɓen seyo si ƴuuraay to Laamɗo?

Ammaa ko ndaarumi golleeji ɗi ngollannoomi miɗo tampa ɗiin fuu, mi tawii fuu wo ɓolum, wo ɗum riiwude henndu. Nafaa fuu walaa e ko waɗetee ley sorndu naange ndu.

Ko gite am njiɗi fuu mi waɗanii ɗe. Ko weli ɓernde am fuu, mi haɗaay nde. Ɓernde am seyorake golle am, ɗum laatii ngeɗu am e ley golleeji am tampiriiji ɗiin fuu.

Mi ndaarii, tawumi hakkillo na ɓurdi puuyndam no annoora ɓurdi nimre noon.

Hakkilante na woodi gite faa yiira, ammaa puuyɗo wo ley nimre yahata. De taykiimi, tawumi cakitte maɓɓe fuu wo gootum.

Si goonga fay si neɗɗo golliri hakkilantaaku e ŋeenyal e anndal, tilay keɓal muuɗum ngaal hokkee goɗɗo mo gollanaay ɗum. Ɗuum du fuu wo ɓolum, wo bonanda mawɗo.