Popular Bible Verses from Baloma 10

Share

Ndi ukwitabila na kanwa kobe ngayi Yeshu niye Mwene, pe hiwukukulupila mu mutima wobe ngayi Nyambi wamushangwile ku bafu, ukapuluka.

Ndaba muntu wakulupilanga na mutima wendi, pe Nyambi ha kumwolokesha, kami wetabilanga na kanwa kendi, pe ha kupuluka.

Nohobene kukulupila kwezanga ndi muntu unayuvwu ncango, kami muntu wayuvwanga ndi kuli baka ku shimikila ncango za Kilishitu.

Ndaba byatikitiwa bikwamba ngayi, “Nimwendi ukakulupila mumwendi, kukayuvwa lisheni wufwako.” Ndaba kowa kutapuluka mukati ka Bayunda na Bakamatunga, ndaba Nyambi niye Mwene wa bantu nimwabo, kami wapananga mfuywezi zazingi ku nimwabo bakwihana kukwendi. Ngonehe kwatikitiwa ngayi, “Nimwendi ukwihana ha lizina lya Mwene ukapuluka.”

Pe bantu bakashimikila nahiti ndi kowa wakubatuma? Ngonehe kwatikitiwa ngayi, “Enga amawahe mawulu a baka ku shimikila ncango zaziwahe.”

Haya bantu bakehana nahiti ou banabulu kwitabila? Pe baketabila nahiti kuli ou banabulu kuyuvwa byendi? Kami bakayuvwa nahiti byendi ndi kowa mukakushimikila?

Ndaba Kilishitu niye mamaninino a ndayano ngayi mwanga muntu nimwendi ukukulupila, enge wakwoloka kuli Nyambi.