Popular Bible Verses from Shitatiko 49

Share

Yunda ukakwata muwana, na bazukulyendi bakenga bakakubela shikati nimwasho. Mikoka yika mu tupwila ntupu, kami bakashungumana kukwendi mu kumwombatala.

“Yoshefwa unengi ngo mukolobozi wayimanga mikabo ya shinyanca, mukolobozi wayimanga mikabo washangiwa ku kaheloke, myahi yawo yikuhalabila ha limota. Bamalamo bendi bamulwishile shibi, bamukonkele na bipando byabo, bya mukunzi na mivwi munyima yendi.

Ngoboni shipando shendi sha mukunzi shabulile kutentebela, na mikoko yendi yashumine, na ngovu za Nyambi Mpandashilanga, Nyambi wa Yakobo, na ngovu za lizina lya Mulishani, Limanya lya Ishalela. Unengi Nyambi wa tatiyobe, ou wakuyavwanga, niye Nyambi Mpandashilanga, ou wakufwuywelanga, na mfuywezi za kufuma kuyilu za mvula na mema a kunonka ku nceto ya limvu, na mfuywezi za kwikala na bimuna byabingi na bana babengi.

“Yunda, bawushinda wobe bakakuyemeza. Ukakoneneka bamalamo bobe ha mukoshi, pe bana batatiyobe bakakushungumanina. Yunda ukufweka ngonehe mwana Shimbwi, wazihanga mbuyo yendi na kuboka mu limfwenke lyendi, ukalitandubula na kulangana hanci, pe kowa muntu wakukanca wakumupindula.

“Lubena, obe mweli wami, obe ngovu zami, na mwanami wakutatika waha wundumbana wami, obe muka kulitemba shikuma, nawa ngovu shikuma ku bana bami nimwabo babalume. Obe ukwinga ngonehe libazi lya kunkwancana, ngoboni kukenga wamunene wufwako, ndaba waloyanine na mukazami wa kwinginina, obe wazilulwile wulili wa tatiyobe.”