Popular Bible Verses from Fuɗɗoode 49

Share

Laamaare eggataa diga e lenyol Yahuuda. Sawru laamu sottataako diga e juuɗe makko, faa nyanne jewɗo laamu ŋun wari. Kanko nun lenyi fu ɗowtantoo.

An Yusufu, a nandu nun hande licce leggal dimoowal, dariiŋal takkol siiɓiire diyam, ŋal licce mum ɓilii dow bombooru. Wayɓe maa sorkake maa, ɓe janti maa e semme, ɓe piɗi maa kure.

Amma biroogal maa yanay. Alla Yaakuubu mo baawɗe fu semmiɗinii juuɗe maa, Alla laatiiɗo duroowo, e tepaare suuɗune Isira'iila. Alla baaba maa wallete. Alla mo baawɗe fu barkiɗine. O barkiɗine e diyam ɗam dow kammu, o barkiɗine e diyam ɗam dow leydi. O barkiɗine e ɓiɓɓe, o ɗuuɗina mareefuuji maa.

An bo Yahuuda, mawniraaɓe maa e miiraaɓe maa maantete. A ɗeɗɗan daaɗe wayɓe maa. Hawra baabaaɓe maa fu jiccante. An Yahuuda suka am, a laati nun hande ɓinŋa takkere, baroyŋa tew e warta, go yottii banni mum. A jiccoto nun ladaa, pukkoɗaa hande takkere rewre. Moy nun suusata finnini ne?

Rubeni, an nun woni suka am afo, an nun woni semme am, an nun laatii suka mo dimumi e gojankaaku am. An nun ɓuri sukaaɓe am horiiɓe fu manŋu e semme. Amma a ƴuufii hande diyam maayo, a su'aaki, gam mum a heɓetaa manŋu. Gam a waalidii e debbo am dow banni am min laatiiɗo baaba maa, a tuuninii banni am.