Popular Bible Verses from 1 YOHANA 3

Share

Ma nɛ́ yenzideenↄ, wàtongↄ̃ yekↄ̃zi kↄ̃n lɛ́oro. Wàgↄ̃ yekↄ̃zi yãpuraa guu kↄ̃n wa yãkɛnao.

Yã kɛ̀ wá yenzi pì dↄ̃̀an yɛ̀: Kirisi a zĩnda kpà wa yãnzi. Wapinↄ sↄ̃, séde wà wa zĩnda kpá wa Yesude daanↄa.

À gwa lán De Ludaa yewazi à kɛ̀ bíta nà ai è wa sisi a nɛ́nↄ. Wá sↄ̃ↄ dɛ à ũ! Anduna wa dↄ̃ro, kɛ̀ èe à dↄ̃ro yãnzi.

Gbɛ̃ kɛ̀ è durun kɛɛ nɛ́ Ibilisi pↄ́mɛ, zaakɛ Ibilisi durun kɛ̀ zaa káakumɛ. Ibilisi yãnↄ kaatɛna yãnzin Luda Nɛ́ mↄ̀zi.

Gbɛ̃ kɛ̀ Ludaa ì ègↄ̃ kpɛɛ gↄ̃ durun kɛɛro, zaakɛ Luda borii bé à kú à guu. Eé fↄ̃ àgↄ̃ kpɛɛ gↄ̃ durun kɛɛro, kɛ̀ Luda à ì yãnzi.

Tó gbɛ̃ anduna pↄ́ vĩ, ben à è a Yesude daa kú pↄ́nidɛna guu, tó èe à wɛ̃nda dↄ̃ro, Luda yenzi kú à swɛ̃̀ guuↄ́?

Gbɛ̃ kɛ̀ yã kɛ̀ à dìɛnↄ kũna kú à guu, Luda pì kú adee guu se. Wá dↄ̃ kɛ̀ à kú wa guu à Ninii kɛ̀ à kpàwa yãnzi.

Dian wá Luda nɛ́nↄ dↄ̃kↄ̃zi kↄ̃n Ibilisi nɛ́nↄon yɛ̀: Gbɛ̃ kɛ̀ è yã maaa kɛro ke gbɛ̃ kɛ̀ ye a gbɛ̃daaaziroo nɛ́ Luda nɛ́nlo.

Yã kɛ̀ á mà zaa káakun yɛ̀: Wàgↄ̃ yekↄ̃zi.

Ma gbɛ̃nↄ, tó anduna zàagu, àton tó à bↄ a saɛro.