Popular Bible Verses from 1 YOHANA 2

Share

Àtongↄ̃ ye andunaziro ke pↄ́ kɛ̀ kú à guunↄ. Tó gbɛ̃ ye andunazi, à ye De Ludaziro. Zaakɛ yã kɛ̀ kú anduna guu píngi, mɛ̀ pↄ́nidɛna kↄ̃n sãnkarawɛɛo kↄ̃n auziki ĩadãnao e bↄ De Luda kiiaro, à bↄ̀ anduna kiiamɛ.

Anduna e gɛ̃tɛɛ kↄ̃n a pↄ́nidɛnao, mↄde ludapↄyezikɛri égↄ̃ kuu gurↄ píngimɛ.

Gbɛ̃ kɛ̀ bè á kú à guu, séde àgↄ̃ kuu lán Kirisi kuu nà yã.

Ma nɛ́ yenzideenↄ, mɛ́ɛ yã beee ooare, lɛ àton durun kɛro yãnzimɛ. Mↄde tó a gbɛ̃ke durun kɛ̀, wá zɛnyodee vĩ De Luda kiia, àmbe taarisaide Yesu Kirisi ũ.

Tó gbɛ̃ bè á à dↄ̃, ben à à yã kɛ̀ à dìɛnↄ kũnaro, ɛgɛdeemɛ, yãpuraa kú à swɛ̃̀ guuro.

Tó wá yã kɛ̀ à dìɛnↄ kũna, beee ↄ̀dↄawe yãpura kɛ̀ wá à dↄ̃.

Gbɛ̃ kɛ̀ bè á kú gupuraan, ben à za a gbɛ̃daaan, adee kú gusiaa guumɛ ai tia.

Dén ɛgɛdee ũu? Gbɛ̃ kɛ̀ gì Yesu mɛsayakɛɛzimɛ. Gbɛ̃ beeen Kirisi ibɛɛ ũ, à gì De Ludazi kↄ̃n à Nɛ́omɛ.

Gbɛ̃ kɛ̀ gì Luda Nɛ́zi De Luda vĩro. Gbɛ̃ kɛ̀ zɛ̀ kↄ̃n Luda Nɛ́o bé à De Luda vĩ.