Popular Bible Verses from ZIA YÃ 21

Share

Ani ń wɛ́tɛ̃ warawarańnɛ pínki. Ga nigɔ̃ kun doro ke wɛ̃nda ke ɔ́ɔdɔna ke wãwã, zaakũ yã zĩnɔ gɛ̃̀tɛ.

Akũ Gbɛ̃ kũ à vutɛna gbàaa pì: Ǹ ma! Matɛn pɔ́ sĩnda pínki kɛ dufu. Akũ à òmɛnɛ: Ǹ kɛ̃, zaakũ yã dínɔ náani vĩ, akũsɔ̃ yãpuramɛ.

Akũ ma kòto gbãna mà bona gbà kĩnaa à pì: Luda vùtɛ kũ bisãsirinɔ sà, anigɔ̃ kú kũńwo, onigɔ̃ de a gbɛ̃nɔ ũ. Luda pì nigɔ̃ kú kũńwo a zĩda ń Luda ũ.

Akũ à òmɛnɛ: À kɛ̀n gwe. Makũmɛ Alafa kũ Omɛgao, Naana kũ Lakanaao ũ. Gbɛ̃ kũ ími tɛn dɛ, mani a gba ísɛ̃ wɛ̃̀ndide boki.

Gbɛ̃ kũ à zĩ̀i blè mɛ́ anigɔ̃ pɔ́ dínɔ vĩ pínki. Manigɔ̃ de a Luda ũ, anigɔ̃ de ma nɛ́ ũ.

Ama vĩnadenɔ kũ náanisaridenɔ kũ yãvãnikɛrinɔ kũ gbɛ̃dɛrinɔ kũ zinakɛrinɔ kũ ɛzɛdenɔ kũ tãnagbagbarinɔ kũ manafikidenɔ pínki, ń baka nigɔ̃ de tɛ́ sɛ̀bɛ kũ àtɛn kũ kũ ifãntɛ̃gbɔ̃ɔo ũmɛ. Ga pladen gwe.

Akũ ma zĩtɛ dufu kũ musu dufuo è, zaakũ zĩtɛ káakupɔ kũ musu káakupɔo gɛ̃̀tɛ, akũsɔ̃ ísira kun doro.

Akũ ma Luda wɛ́ra Yurusalɛmu dufu è bona musu Luda kĩnaa, àtɛn kipa. Ò a kɛ̀kɛ lán nɔgbɛ̃ kũ a zãkɛ sorumii màa bà.

Wɛ́ra pì bàka kú kũ ifãntɛ̃ ke mɔvura gupunaaoro. Luda gakuri mɛ́ àdi wɛ́ra pì pu, akũsɔ̃ Sãnɛ Bɔ̀rɔ de a fitila ũ. Burinɔ ni táa o a gupurai, andunia kínanɔ ni gɛ̃n kũ ń aruzɛkɛnɔ.