Popular Bible Verses from ZIA YÃ 2

Share

Ama má yã vĩ kũnwo. Yenyĩ kũ ń vĩmɛnɛ káaku bùsa.

Ǹ tó n kunna zĩ zaa gɔrɔ kũ ńdi busaro yã dɔngu. Ǹ nɛ̀sɛ litɛ, ǹgɔ̃ yã kũ ndì kɛ yãnɔ kɛ. Tó ńdi kɛ lɛro, mani sunyĩ, mà n fitiladibɔ go.

Ǹsun vĩna kɛ wari kũ ĩni kɛnɛro. Ǹ ma, Ibilisi ni á gbɛ̃kenɔ ká kpɛ́siran de à á yɔ̃ à gwa, ani wɛ́ tãáwa ari gɔrɔ kuri. Ǹgɔ̃ náani vĩ ari ǹgɔ̃ gɛ́ gao, mani aruzenna kɛnnɛ yàri ũ.

Gbɛ̃ kũ à sã vĩ, à yã kũ Luda Nini tɛn o sɔsi gbɛ̃nɔnɛ ma: Mani gbɛ̃ kũ à zĩ̀i blè gba zɛ́ à lí wɛ̃̀ndide kũ à kú Luda aruzennaa gũn nɛ́ ble.

Má n yãkɛnanɔ dɔ̃ kũ zĩ kũ ntɛn kɛo kũ n mɛnakɛnaao. Ndì we ǹ gbɛ̃ bɛ̃̀nɛnɔ ditɛro. Gbɛ̃ kũ òdi ń zĩda ditɛ Luda zĩ̀rinɔ ũ, akũsɔ̃ ò de a ũro, n ń lɛ́ n gwà n è ɛ́kɛdenɔmɛ ń ũ.

N mɛna fɔ̃̀, n wari kɛ̀ ma tɔ́ yãi, ńdi kpasaro.

Gbɛ̃ kũ à sã vĩ, à yã kũ Luda Nini tɛn o sɔsi gbɛ̃nɔnɛ ma. Mani gbɛ̃ kũ à zĩ̀i blè gba mana kũ à utɛnaa, mani a gba gbɛ̀ pura kũ ò tɔ́ dufu kɛ̃̀a dɔ. Gbɛ̃ke tɔ́ pì dɔ̃ro, séde gbɛ̃ kũ ma kpàaa pìi.