Popular Bible Verses from ƐFESUDENƆ 4

Share

Àgɔ̃ gbɛ̃kɛ kɛ kũ kɔ̃o. Àgɔ̃ kɔ̃ wɛ̃nda gwa. À sùru kɛ kũ kɔ̃o lákũ Luda sùruu kɛ̀ kãáo nà Kirisi gũn.

À kɔ̃ fɔ̃, àgɔ̃ yekɔ̃i zĩdabusanaa gũn kũ nɛ̀sɛyĩdao kũ mɛnao.

Àsun tó yã vãni ke bo á lɛ́nlo, séde a zɛ́de kũ ani gbɛ̃ kara, à kɛ àre ũ gbɛ̃ kũ òtɛn manɔnɛ.

Àsun kɛ ĩni kũ gbɛ̃keoro. À pɔfɛ̃ tó kũ pɛ̃tɛ̃o kũ patana gbãnao kũ gbɛ̃sɔ̃sɔ̃naao kũ pãsĩkɛna buri sĩnda pínkio.

Tó á pɔ fɛ̃̀, àsun durunna kɛro. Àsun tó ifãntɛ̃ gɛ̃ kpɛ́n àgɔ̃ kpɛ́ pɔfɛ̃naro, de àsun Ibilisi gba zɛ́ro yãi.

Ò òárɛ à ɔ gbarɛ á dà zĩ kũ à doárɛ arɛi, kũ à yàka á pɔ́nidɛna vãninɔ yãi. Ò òárɛ à á nɛ̀sɛ litɛ á laasun gɔ̃ dufu, áni dà dufu kũ Luda kɛ̀ lán a pɔ́ bà sɛ́, á kunna nigɔ̃ adona kunna yãpurade ũ yãzɛdekɛ gũn.

À wɛ́ tã àgɔ̃ lɛ́dokɔ̃nɔ kũ à bò Luda Nini kĩnaa vĩ bà kũ àdi á dɔkɔ̃a ũ.

Àkũ mɛ́ à gbɛ̃kenɔ gbà zɛ́ ògɔ̃ de zĩ̀rinɔ ũ, gbɛ̃kenɔ annabinɔ, gbɛ̃kenɔ baarunnakparinɔ, gbɛ̃kenɔ pasutonɔ ke yãdannɛrinɔ, de Luda gbɛ̃nɔ gɔ̃ kú a zĩ soru gũn, de Kirisi mɛ̀ gbãna kũ, ari ó pínki ògɔ̃ gɛ́ ká Luda Nɛ́ náani dokɔ̃nɔ kɛnaaa a dɔ̃na dokɔ̃nɔ gũn, de ò gɔ̃ gbɛ̃ papananɔ ũ Kirisi kũ pɔ́ sĩnda pínki pɛ̀kɛrɛa zɔ̃kɔ̃ lɛ́n.

Tó lɛmɛ ónigɔ̃ de nɛ́ fíti kũ òdi ɔ̃ndɔ̃ kũ manafikio kɛńnɛ ò ń sãtɛnɔ ũ doro, kũ yã dufu dannɛna dì ń sɛ́ lán ĩa ke ísɔ̃ bà. Oi, óni yãpura o kũ yenyĩo, ò gbã yã sĩnda pínki musu Kirisi kũ à de a mì ũ gũn.