Popular Bible Verses from KƆLƆSEDENƆ 2

Share

Lákũ a Kirisi Yesu sì á Dikiri ũ nà, àgɔ̃ kú a gũn lɛ, á zĩni gɔ̃ pɛtɛna a gũn. À kara a gũn, àgɔ̃ gbãna a náanikɛnaa gũn lákũ ò dàárɛ nà. Àgɔ̃ kú kũ sáabukpanaao manamana.

À laakari kɛ de gbɛ̃ke sún dɔ̃na gbãna kasaárɛ à á sãtɛ kũ bisãsiri ɔ̃ndɔ̃ pã korioro. Yã birenɔ dì bo futɛokarayãnɔ kũ andunia yãkɛnanɔ kĩnaamɛ, adi kɛ Kirisi kĩnaanlo.

Á de gɛ̀nɔ ũ yã Luda kĩnaa á taarinɔ kũ á dà zĩnɔ yãi, akũ Luda á gbá wɛ̃̀ndi dufu lɛɛlɛ kũ Kirisio, à sùruu kɛ̀ kũoo kũ ó taarinɔ pínki. Luda ó taari takada kũ à ó dá yãn gògo, à sɛ̀ à pà lía.

Zaakũ Luda kíkɛ sĩnda pínki pɛ̀kɛrɛ Kirisia a bisãsirikɛmɛɛ gũn. Kunna gbɛ̃ kũ à de gbãna sĩnda pínki kũ iko sĩnda pínkioo mìde ũ pìi gũn, a sĩnda pínki pɛ̀kɛrɛáwa.

Abire yãi àsun tó gbɛ̃ke á taari e pɔ́blena ke pɔ́mina ke dikpɛ ke mɔ dufu bona ke kámmabogɔrɔ yã musuro. Yã birenɔ pínki bi yã kũ ò pì ani su takamɛ, yã pìnɔ bɔkɔtɛnan Kirisi ũ.