Popular Bible Verses from 2 KƆRINTIDENƆ 5

Share

Zaakũ tó gbɛ̃ kú Kirisi gũn, à gɔ̃̀ gbɛ̃ dufu ũ. A kunna zĩ gɛ̃̀tɛ, kunna dufu mɛ́ à gɔ̃̀nɛ.

Luda tò durunnasaride gɔ̃̀ durunna kútɛkɛbɔ ũ ó yãi, de kunna a gũn Luda tó yã bo kũoo nna.

Zaakũ ludanaanikɛnaan ó kúo, adi kɛ wɛ́sinaalɛ yãnlo.

Abire bò Luda kĩnaamɛ pínki. À ó kɛ́ kãao nna Kirisi gãi, akũ à gbɛ̃nɔ kɛna nna kãao zĩ dàwɛrɛ. Kirisi gũn Luda andunia kɛ̀ kãao nna gbɛ̃nɔ taarinɔ yã danaa sari, akũ à gbɛ̃nɔ kɛna kãao nna pì yã nàwɛrɛ ó ɔĩ.

Abire yãi Kirisi gɛ̃nɛnɔn ó ũ. Luda tɛn gbɛ̃nɔ sísi ó gãi. O kútɛ kɛ̀árɛ Kirisi gbɛ̀n, à kɛ nna kũ Ludao.

À gà gbɛ̃ sĩnda pínki yãi, de gbɛ̃ kũ ò gɔ̃̀nɔ súngɔ̃ kun ń zĩda pɔ́ ũ doro, séde gbɛ̃ kũ à gà ń yãi à vù pɔ́. Abire yãi odì gbɛ̃ke gwa lákũ andunia gbɛ̃nɔ dì gwa nà tera doro. Bee kũ ó Kirisi dɔ̃ lákũ andunia gbɛ̃nɔ a dɔ̃ nà yã, ó a dɔ̃ lɛ tera doro.

Zaakũ Kirisi yenyĩ mɛ́ àtɛn tɛ́ káógu. O è tó gbɛ̃ mɛ̀n do gà gbɛ̃ sĩnda pínki yãi, ò gà ń pínkin gwe.