Popular Bible Verses from 1 PITA 4

Share

Yã kũ à de a pínkilan dí: Àgɔ̃ yekɔ̃i kũ nɛ̀sɛ mɛ̀n doo, zaakũ yenyĩ dì pɔ́ kútɛ durunnanɔa dasi.

Lákũ Luda gba dà á baadinɛ nà, à kpákɔ̃i kũ gba pìnɔ Luda gba buri donadona zĩkɛri mananɔ ũ.

Gbɛ̃ kũ à de waazikɛri ũ, à Luda yã ońnɛ. Gbɛ̃ kũ à de kpanyĩri ũ, à kpáńyĩ kũ gbãna kũ Luda a gbào, de à Luda tɔ́ kpá yã sĩnda pínki gũn Yesu Kirisi gãi. Àkũ mɛ́ à gakuri vĩ kũ gbãnao gɔrɔ sĩnda pínki! Aami.

Tó a wari kɛ̀ á Yesudekɛ yãi, àsun kɛárɛ wé'iyã ũro. À Luda sáabu kpá kũ Yesu tɔ́ kúáwa yãi.

Pɔ́ sĩnda pínki lakanaa kà kãni. Abire yãi àgɔ̃ de laakaridenɔ ũ, àgɔ̃ á zĩda kũna dɔ̃ de àgɔ̃ adua kɛ yãi.

Ma gbɛ̃ yenyĩdenɔ, àsun tó yɔ̃ogwana pãsĩ kũ àtɛni á le bo á sarɛ lákũ yã dufu mɛ́ à á lé bàro. Lákũ á bàka kú Kirisi warikɛnaa gũn nà, à pɔnna kɛo de à le àgɔ̃ pɔnna zɔ̃kɔ̃ vĩ gɔrɔ kũ Kirisi pì ni bo gupuraa kũ gakurio.

À yàri kɛkɔ̃nɛ yãketekanaa sari.

Abire yãi gbɛ̃ kũ òtɛn wari kɛ Luda pɔyenyĩnaa gũnnɔ ń zĩda na ń Kɛ̀ri náanidenɛ a ɔĩ, ò kpɛ́ ògɔ̃ yã mana kɛ.

Lákũ Kirisi wari kɛ̀ a mɛ̀n nà, ákɔ̃nɔ se à nɛ̀sɛ bire buri sɛ́, zaakũ gbɛ̃ kũ à wari kɛ̀ a mɛ̀n, ade mìi kɛ̃̀ durunnaamɛ. Gɔrɔ kũ à gɔ̃̀árɛ á kunnaa gũn, á dà vãni súngɔ̃ doárɛ arɛ doro, séde Luda pɔyenyĩnaa.

Tó ò á sɔ̃sɔ̃ Kirisi tɔ́ kũ à kúáwa yãi, á arubarika vĩ, zaakũ Luda Nini gakuride kúáwa.