Popular Bible Verses from 1 YUHANA 4

Share

Yenyĩ pìi dìgɔ̃ vĩna vĩro. Yenyĩ swáswa dì pɛ́ vĩnaa, zaakũ vĩna bi wɛ́tãmma yãmɛ. Vĩnade yenyĩ dìgɔ̃ swáswaro.

Ma nɛ́ yenyĩdenɔ, Luda gbɛ̃nɔn á ũ, a zĩ̀i blè annabi ɛ́kɛ pìnɔa, zaakũ gbɛ̃ kũ à kú á gũn zɔ̃kɔ̃ de gbɛ̃ kũ à kú andunia gũnla.

Ókɔ̃nɔ, ó yenyĩ vĩ, kũ Luda gĩnakɛ à yewái yãimɛ.

Ma gbɛ̃ yenyĩdenɔ, ògɔ̃ yekɔ̃i, zaakũ yenyĩ dì bo Luda kĩnaamɛ. Gbɛ̃ kũ à yenyĩ pì vĩ bi Luda nɛ́mɛ, à Luda dɔ̃.

Gbɛ̃ kũ à yenyĩ vĩro Luda dɔ̃ro, zaakũ Ludamɛ yenyĩde ũ.

Yenyĩ pìin dí: Adi kɛ ókɔ̃nɔ mɛ́ ó ye Ludairo, Luda mɛ́ à yewái, akũ à a Nɛ́ zĩ̀ ó durunnanɔ kútɛkɛbɔ ũ.

Ma gbɛ̃ yenyĩdenɔ, lákũ Luda yewái lɛ nà, séde ògɔ̃ yekɔ̃i.

Lákũ Luda a yenyĩ mɔ̀wɛrɛ gupuraa nàn dí: À a Nɛ́ mɛ̀n do légelege zĩ̀ andunia gũn, de ò wɛ̃̀ndi le kũ a gbãnao.

Tó gbɛ̃ pì á ye Ludai, akũ à zã̀ a Yesude dakei, ɛ́kɛdemɛ. Zaakũ gbɛ̃ kũ à ye a Yesude dake kũ à a èeiro, ani fɔ̃ àgɔ̃ ye Luda kũ adi a eroi yá?

Gbɛ̃ kũ à ò gupuran kũ Yesu bi Luda Nɛ́mɛ, Luda kú a gũn, akũsɔ̃ à kú Luda gũn.

Yã kũ à dìtɛwɛrɛn dí: Gbɛ̃ kũ à ye Ludai, séde àgɔ̃ ye a Yesude dakei.

Ma gbɛ̃ yenyĩdenɔ, àsun nini sĩnda pínki náani kɛro. À nininɔ tàasi ká à gwa, tó ò bò Luda kĩnaamɛ, zaakũ annabi ɛ́kɛnɔ dasi kũ̀ andunia gũn. Yã kũ ani tó à Luda Nini dɔ̃n dí: Nini kũ à pì Yesu Kirisi sù bisãsiri ũ bò Luda kĩnaamɛ.

Nini kũ àdi zɛ kũ Yesuo lɛro dí bo Luda kĩnaaro. Kirisi ibɛrɛ kũ a mà àtɛn sun gwe. À kú andunia gũn kɔ̀.