Popular Bible Verses from 1 YUHANA 2

Share

Àsungɔ̃ ye anduniairo, kesɔ̃ pɔ́ kũ ò kú a gũnnɔ. Tó gbɛ̃ ye anduniai, à ye De Ludairo. Zaakũ yã kũ à kú andunia gũn pínki, mɛ̀ pɔ́nidɛna kũ wɛ́pio kũ aruzɛkɛ ĩadãnaao, adi bo De Luda kĩnaaro, à bò andunia kĩnaamɛ.

Andunia tɛn gɛ̃tɛ kũ a pɔ́nidɛnaao, ama ludapɔyenyĩnakɛri nigɔ̃ kun gɔrɔ sĩnda pínkimɛ.

Gbɛ̃ kũ à pì á kú a gũn, séde àgɔ̃ kun lákũ Kirisi kun nà yã.

Ma nɛ́ yenyĩdenɔ, matɛn yã bire oárɛ de àsun durunna kɛro yãimɛ. Ama tó á gbɛ̃ke durunna kɛ̀, ó Zɛkũnwode vĩ De Luda kĩnaa, àkũmɛ taarisaride Yesu Kirisi ũ.

Tó gbɛ̃ pì á a dɔ̃, akũ à a yã kũ à dìtɛnɔ kũnaro, ɛ́kɛdemɛ, yãpura kú a swɛ̃̀ɛ gũnlo.

Tó ó yã kũ à dìtɛnɔ kũna, abirekũ mɔ̀wɛrɛ yãpura kũ ó a dɔ̃.

Gbɛ̃ kũ à pì a kú gupuran, akũ à zã a gbɛ̃dakegu, ade kú gusira gũmmɛ ari tera.

Dín ɛ́kɛde ũu? Gbɛ̃ kũ à gì Yesu Arumasihukɛnaaimɛ. Gbɛ̃ bire takan Kirisi ibɛrɛ ũ, à gì De Ludai kũ a Nɛ́omɛ.

Gbɛ̃ kũ à gì Luda Nɛ́i De Luda vĩro. Gbɛ̃ kũ à zɛ̀ kũ Luda Nɛ́o mɛ́ à De Luda vĩ dɔ.