Popular Bible Verses from Marko 6

Share

Kote his jaake bud menshe, kai wan un djan, te his len kek tsiro, te chan le. Un job penas ap lende: “Awenn, djas kote, kai kokres ham, te lenn tumer newi soor!”

O Jesus penas ap lende: “Kek Debleskro rakepaskro well kote sharedo, kai job khere hi, witar gar pash peskre menshende un an peskro kheer. An i wawar forja un gaba well lo sharedo.”

Un o Jesus djas dran o bero win, un dikas kol bud menshen. Kolla khaitan les. Jon his har bakre, kai hi len kek bakrengro, kai dell garda ap lende. Un job rakras lentsa i rah tsiro.

Un kote nashte kras job kek baro koowa an o Debleskri soor, kokres i nasslenge tchiwas job i wasta pre un kras len sasto, un kolla his gar bud nassele. Un job nai haiwas gar, hoske i menshen kote kek patsepen his. Palle djas lo an kol gaba trujel, un sikras i menshende o Debleskro drom.

Un job las kol pantch mare un kol dui matche an i wasta, dikas pre ap o bolepen, parkras pes pash o Debleste, un phagas kol mare an kotja. Palle das lo len peskre malende, te denn le kowa i menshende. Un kol dui matche das lo ninna i tsele menshende. Un jon chan lauter un wan tchalo. Palle hadan le kol kotja pre, hoi atchan pral. Koi wan deesh-te-dui marengre gone pherdo lendar. Un jon hadan ninna kol matchendar pre, hoi pral atchan.