Popular Bible Verses from Marko 5

Share

Job penas ap late: “Romnija, tiro patsepen kras tut sasto. Dja mo Debleha! Tiro nasslepen well buder gar pale.”

Mank lende his i djuwel. Kolat his i ratlo nasslepen. Deesh-te-dui bersha his li nasseli, un das lauter, hoi lat his, i dramangrende. Un kek nashte kras lat sasto. Joi was gomme nassleder.

Un ap jek kopo djas kau nasslepen latar. Un joi haiwas, kai hi li sasto.

Un job tapras kol tchat pash o wast, un penas ap late an peskro rakepen: “Talita kumi!” Kowa kharella: Tchai, me penau tuke, ste pre!

Har job jaake rakras, wan mursha dran o kheer kolestar, kai o pralstuno pral i biboldengri kangri hi, un penan leske: “Tiri tchai meras. Tu hunte mangess o rajes buder gar.” O Jesus shunas kal laba, un penas ap kol pralstuneste: “Ma traash, pats!”

Un o Jesus penas ap o bengeste: “Tu beng, dja win dran kau mursheste!” Koi das job bari gole: “Jesus, tu tchawo o baro Deblestar, hoi kameh tu mandar? Me mangau tut pash o Debleste: Ma duke man gar!” Un o Jesus putchas lestar: “Har khareh tu?” Koi penas lo: “Mer ham bud. Doleske kharau Legioni.”