Popular Bible Verses from Mateo 27

Share

Un har trinenge his, das o Jesus bari gole: Eli, Eli, lema sabachtani? Kowa kharella: Miro Dewel, miro Dewel, hoske mukal man tu?

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele. Un i phub was trisslemen. Un i bare barra phagan an kotja. I mulengre khera phagan pre. Un bud kolendar, kai ap o Debles patsan un meran, wan djido

O Jesus das pale bari gole, un meras.

Ko pralstuno lurdo un kol wawar, kai khetne leha ap o Jesuseste jak dan, kolla dikan, te was i phub trisslemen, un hoi lauter koi djas. Koi tapras len i bari daar. Un jon penan: “Kau mursh his tchatchepah o Debleskro tchawo.”

His deesh-te-dujenge, koi was o diwes kalo har i rat an o tselo them. Un kowa atchas jaake bis trinenge.

Koi penas o Pilato ap lende: “Hoi krap o Jesuseha, kai kharella ninna o Kristo?” Penan le halauter: “De les ap o trushel!” Putchas lo lendar: “Hawo tchilatcho koowa kras job?” Kote dan le bari gole: “De les ap o trushel!”