Popular Bible Verses from Mateo 26

Share

Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor te atchenn pash mande, ninna te kamell kowa tumaro dji.”

Koi penas lo ap lende: “Miro dji rowella, un mange hi jaake har te merap. Atchenn kate un sowenn gar dren!”

Un job djas i kotar drom dureder, witsras pes ap i phub, un mangas o Debles: “Mo dad, te kameh tu, muk kek duka un merepen ap mande te well! Mangau tut: Ma kre, har me kamau! Kre jaake, har tu kameh!”

Kai mool hi miro rat, hoi me ratau budenge, te lap lengri doosh lendar. Jaake krau i drom, kai o Dewel un i menshe mala wenna.

Har jon chan, las o Jesus o maro, parkras pes pash o Debleste, phagas ko maro, das les peskre malende, un penas: “Ake, lenn ko maro un chan les! Kau maro hi miro mass.”

Palle las lo i khoro, parkras pes pash o Debleste, das lende ko khoro, un penas: “Pijenn halauter lestar!

Un job djas pale pash lende un dikas, har sowan le, un penas ap o Petreste: “Kate dik, kek tikno tsiro nai atchan tumare jaka pre.

Un me penau tumenge: Me pijau buder gar i mool, bis te well ko diwes, kai me pijau newi mool tumentsa khetne pash miro dadeste an o bolepen.”

Un o Petreske wan o Jesuseskre laba an o shero, hoi job leske penas: “O bashno dell gar gole jaake rah, har tu man gar triin kope buchoste dal.” Un o Petro djas dran o baro wudar win, un rowas soreles.

Stenn pre! Djas menge kanna! Kanna well kowa, kai phukrell ap mande.”

Koi penas o Jesus: “Tchip tiro charo tele! Hakeno, kai i charo lella un dell i wawares, ko well i chareha mulo dino.