Popular Bible Verses from Hesekijel 33

Share

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

Tu, mensho, tut rodom win, te dess jak ap o kheer Israel. Te shuneh i lab dran miro mui, hunte peness kowa lenge, te djinenn le, hoi kamau me pral lende te anell.

Tu te dal les trad, un penal leske, te hunte djal lo tele peskro tchilatcho dromestar, un job krell kowa gar, palle lell lo peskri phagi, un hunte merell. Tiro djipen lal tu dran o merepen win.

Hi wawartchandes, te dikell kowa, kai jak hunte dell, i lurden te well, un job phurdell gar an i phurdepaskri, te djinenn i menshe, hoi pral lende wella. Un palle wenn i lurde un denn jekes mulo. Palle merell kawa peskri doshake, hoi lo ap peste anas. Ap koleste, kai gar an i phurdepaskri phurdas, penau me palle: Tut hi doosh ap leskro merepen.

Job shunas koi phurdepaskri un das gar jak koi pre. Les kokres hi doosh ap peskro merepen. Te dals lo jak ap i phurdepaskri, palle lals lo peskro djipen dran o merepen win.