Popular Bible Verses from Rɔmfuɛ Mun 5

Share

Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

Yɛ é wla bɔ e fa gua Nyanmiɛn su'n ti é nyin su gua-man ase, afin Nyanmiɛn man i Wawɛ b'ɔ fa mannin ye'n kle ye klolɛ dan nga Nyanmiɛn bɔbɔ fa klo ye'n ye anwlɛn'n nun weiin.

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn, yɛ e anwlɛn tralɛ sɔ'n nun e yo yakpa, yɛ e yakpa sɔ'n ti yɛ e fa é wla'n gua Nyanmiɛn su-ɔ.

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ. I yɛ man e sili kɛ Nyanmiɛn yo e ye-ɔ, i su bɔ e lafi'n ti siɛn'n e su di ye sɔ'n. Anyrunnyan bɔ Nyanmiɛn waan ɔ ´man e bɔ é nyin wo i sin'n ti, é wun blibli ye.

Afin kɛ e bɔbɔ e nian kwla yo-man sa fi'n, kɛ blɛ nga Nyanmiɛn sieli juli'n, be nga be sro-mɛn i'n be ti Krist wuli.

I sɔ'n ti'n, sɛ ndɛ i mmoja'n ti Nyanmiɛn a bu ye sran kpa'n, cɛn nga Nyanmiɛn i ya'n jao'n, i ti e ´nyan é ti kpɛ blu.

Kɛ sran kunngba i nyin kekle'n ti ɔ man sran kpanngban be kacili sa tɛ yofuɛ'n, sran kun kusu i anyinyiɛ ti, ɔ man sran kpanngban be ´kaci sran kpa.

Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .