Popular Bible Verses from Rɔmfuɛ Mun 4

Share

Kɛ ɔ buli like nga Nyanmiɛn seli i kɛ ɔ ´yo'n i akunndan'n, i akunndan'n ɔ'a yo-man nnyɔn-nnyɔn, sanngɛ ɔ jrannin kekle Nyanmiɛn su b'ɔ lafi'n ti, yɛ ɔ mɛnmɛnnin i. I wla trannin su kpa kɛ like nga Nyanmiɛn seli i kɛ ɔ ´yo'n, ɔ kwla yo.

Afin be klɛli i kɛ: « M man a ´yo nvle kpanngban kpa bé si.» Nyanmiɛn b'ɔ lafi i su'n b'ɔ cɛn sran nga ɔ'a wu'n, b'ɔ bo like nga be nun-man lɛ'n be dunman kɛ like bɔ be o lɛ sa'n, i nyrun'n, ɔ ti é si .

Nyanmiɛn yili i kɛ ɔ wa wu sa nga e yoli'n ti, yɛ e sran kpa bulɛ ti yɛ ɔ cɛnnin i-ɔ .

Abraam lɛ-man like fi b'ɔ kwla fɛ i wla'n gua su-ɔ, kannzɛ ɔ ti sɔ'n, ɔ fɛ i wla'n guali Nyanmiɛn su, ɔ lafi ndɛ nga Nyanmiɛn kannin'n su, ɔ seli kɛ: «Kɛ ɔ osu nunfuɛ'm be wa sɔn kpanngban sɔ-ɔ.» Ɔ man ɔ yoli nvle kpanngban kpa bé si.

I sɔ'n ti'n, like nga Nyanmiɛn waan ɔ ´fa man be'n, ɔ fa man be i su bɔ be lafi'n nin ye dan b'ɔ yo be'n ti, ɔ man sa nga Nyanmiɛn seli kɛ ɔ ´yo'n, san ɔ ´yo man Abraam i osu nunfuɛ'm be kwlaa. Ɔ ti-mɛn i osu nunfuɛ nga be di mmla'n su'n be ngunmin be liɛ, sanngɛ i mma mun nin i anunman nga be lafi Nyanmiɛn su kɛ i b'ɔ ti e kwlaa e nannan'n i liɛ'n sa'n, ɔ ti be liɛ wie.

«Be nga be tɔn mmla'n bɔ Nyanmiɛn yaci cɛ be'n, b'ɔ kata bé sa nga be yoli i'n su'n, be liɛ su ti ye! Sran nga e Min Nyanmiɛn'n bu-mɛn i sa b'ɔ yo i'n i akunndan kun'n, i liɛ su ti ye !»

afin e kɛnngɛn i Nyanmiɛn Ndɛ nga be klɛli'n nun kɛ: « Abraam lafili Nyanmiɛn su, ɔ man i su b'ɔ lafi'n ti, ɔ buli i sran kpa .»