Popular Bible Verses from Rɔmfuɛ Mun 13

Share

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

Nán man sran fi kalɛ tran amun su, san amun wiengu klolɛ yɛ ɔ yo kɛ kalɛ sa yɛ ɔ tran amun su-ɔ. Afin sran ng'ɔ klo i wiengu'n, wuun ɔ'a wie mmla'n kwlaa su fa.

Man sran'm be kwlaa bé nyin yi ngbɛn-ngbɛn mun, afin sran fi kwla di-man kpɛnngbɛn bɔ nán Nyanmiɛn yɛ ɔ sieli i-ɔ. Yɛ be nga be o lɛ ndɛ bɔbɔ'n, Nyanmiɛn yɛ ɔ sieli be-ɔ .

Lika'n ɔ'a ɔ wie, aliɛ'n su wa cɛn! I sɔ'n ti'n, man é wla sa tɛtɛ nga be fa kɔnguɛ kata bé nyin yo'n be ase, yɛ man e fa alɛ ninnge nga be fa kun alɛ wia nun'n e tanndan é wun.

Sran ng'ɔ klo i wiengu'n, ɔ yo-mɛn i tɛ, ɔ man sran ng'ɔ klo sran'n, wuun ɔ'a wie mmla'n kwlaa su fa.

Be kalɛ kwlaa ng'ɔ o amun su'n, an `tua man be. Sran nga be su lapo mɛn i'n, an `su mɛn i. Sran nga amun ninnge'm be su sika ng'ɔ fata kɛ amun yi'n ɔ ti i liɛ'n, an `yi mɛn i. Sran ng'ɔ ti bɔ an sro i'n, an `sro i, yɛ ng'ɔ ti bɔ an bu i sran'n, an `bu i sran.