Popular Bible Verses from Rɔmfuɛ Mun 12

Share

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

Nán man be nga be yo amun tɛ'n be kwla amun, sanngɛ an `yo be kpa lele an `kwla be.

An `klo amun wun kpa kɛ sran nin i niaan sa, an `bu amun wiengu sran.

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Like kwlaa nga amun kwla yo bɔ amun nin sran su kan-man ndɛ'n, amun yo.

N sran kpa mun, nán amun se kɛ amun bɔbɔ amun ´tu amun klunngbɔ'n, sanngɛ an `yaci man Nyanmiɛn, afin be klɛli i kɛ: «E Min'n se kɛ: ‹Min yɛ n tu klunngbɔ nin-ɔn, min yɛ n ´tua be kalɛ-ɔ .› »

Nán an yo fuɛn, sanngɛ an `yo keklefuɛ. An `yo sran waka-wakafuɛ. An `di e Min'n i junman'n kpa.

Ye dan nga Nyanmiɛn yoli min'n ti, n ´se amun kwlakwla kɛ nán an bu amun wun sran dan tra wafa nga an ti'n su, sanngɛ an `nian wafa nga Nyanmiɛn man an lafi i su'n, sɛ an lafi i su kpa o, yɛ man amun si wafa nga amun ti'n.

Sɛ sran yo amun tɛ'n, nán an yo i wie. Sa kwlaa nga amun yo'n, an `yo man sran'm be kwlaa be wun kɛ an ti kpa .

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

Be klɛli i ekun kɛ: «Sɛ awe kun ɔ kpɔfuɛ'n, mɛn i like man ɔ di. Sɛ nzue we kun i'n, mɛn i nzue man ɔ nɔn. Afin sɛ a yo sɔ'n, ɔ ti kɛ sɛnmlɛn nyannyannyan yɛ w'a tiɛn i nuan i ti su sa .»

Be nga be kle amun yalɛ'n, an `yra amún nuan kɛ Nyanmiɛn yo be kpa. Nán an wua be amuɛn, sanngɛ an `se Nyanmiɛn kɛ ɔ yo be kpa. Sɛ sran kun i klun jɔ'n, man ɔ yo amun fɛ, sɛ sran kun ´sun'n, man ɔ yo amun annvɔ.

An `ti amun niaan Kristfuɛ'm bé wun nyanman nun. An `yo aklunyefuɛ.

Sran'n ti wunmuan kun, sanngɛ i wun ninnge'm be sɔnnin, yɛ be like nga be yo'n ti ngunmin-ngunmin. I kunngba'n, kannzɛ e sɔnnin'n, e nin Krist y'a kaci sran wunmuan, yɛ e kwlaa sɔ'n y'a yo kun.