Popular Bible Verses from 11 ALITƐSALONA̍YĪKA 2

Share

Ala̍ e̍e chɛ̄ nīi ɔ̄chɔ̄chɛ ge̍ gwi̍bobo tū ala̍ la ɔpɔ̄pū ɔha̍lɔha̍ ni̍ lachi̍lachi̍. Wu̍chē oji̍ nɛ, Ɔ̄chī ɔla̍ā i̍ ge̍ē wā ni̍ kpɛɛ gbo̍ yɛ̄grāa nīi āchɛ ɛha̍ ge̍ē hi̍hi̍yo̍ yī Ɔwɔ ka ɔ̍lɔ i̍ ɔchwɔ̄lɛ̍ yī aa̍ gɛ ni̍ ma̍. Anu̍ Ɔdwɔ̄bi̍ Lɛlā ɔla̍ā nīi Ɔwɔ ge̍ē nū ɔ̄ ta̍tū la ayekū oli̍gba̍o̍ ma̍ ge̍ē wā i̍ngi̍ngɔ̍ɔ o̍bū.

Aɛ̍nɛ̍ yī u! Alɔ ge̍ē da Ɔwɔ o̍be myɛ̄grāa-myɛ̄grāa ē de ala̍, ala̍ nīi Ādā yɔ̍ɔhɔtū yī ala̍ ma̍. Wu̍chē oji̍ nɛ, Ɔwɔ hu ala̍ bāa āchɛ nīi o̍ ge̍ē hɛ̍ta̍ rāarāa ma̍. Ɔla̍ā bū la wɔhu̍ yī Uhu Ɔnɛ̄ɛhɛhi yī Ɔwɔ nīi ya̍ nīi ala̍ de pīya āchɛ ɛnɛ̄ɛhɛhi yī Ɔwɔ ma̍. O̍ gba̍a bū la ɔtū nīi ala̍ de che lɛlā olēchi̍ lēchi̍ ma̍.

Wu̍chē oji̍ nɛ, anu̍ Ɔdwɔ̄bi̍ Lɛlā ɔla̍ā ge̍ē hi̍hi̍yo̍ yī lɛlāha̍ ɛlāha̍ wa̍a̍ nīi āchɛ ē nāa bāa lɛlā yī Ɔwɔ ma̍. O̍ ge̍ē nāa iyī anu̍ ɔlɔjā ke̍ke̍ni̍ ē hi̍ ɔjā ɛla̍ā wa̍a̍. O̍ ge̍ē nōnuni̍ ē chɛ̄ ge̍ē hyāhɔ̄ la u̍nu̍ yī Ɔwɔ ē nāa iyī nū ka anɔ̍lɔ - Ɔwɔ nɛ.

Ɔwɔ A̍dā yī alɔ yɔ̍ɔhɔtū yī alɔ. Bū la lɛhi ɔyɔ̍ɔ̄ya̍ yī nū, o̍ de ūkpɔ̄tū yī yɛngrɔ̄ɔ i̍mɔ̄mɛni̍, ba̍la eyī ode chōche nīi ɔnɛ̄ɛhɛhi ma̍ de alɔ! Anu̍ ba̍la Ādādā yī alɔ, Iji̍sɔ̄ɔsi Ikra̍yisi ɔlɔjā ge̍ de yɛngrɔ̄ɔ mu ala̍ ūkpɔ̄tū, ya̍ nīi ala̍ ge̍ lwɔhu̍ brii yɛ̍ɛ̄lā, gba̍a kɛlā nīi - ɔnɛ̄ɛhɛhi ke̍e̍ ma̍!

Wu̍chē yī ɔla̍ā, Ɔwɔ de wɔhu̍ yī lɛlā ɔdwɔ̄bi̍ tɛ̄rɔ̄ ge̍ ya̍ u̍ku̍rɔ̍ la ibi̍īyē yī wā. Ɔla̍ā ya̍ nīi e̍ de ɔtū che lɛlā arīmɛ̄ arīmɛ̄ bɛ̍ɛ̄nɛ̄.

Ɔdwɔ̄bi̍ Lɛlā ɔla̍ā ge̍ē bī wɔhu̍ yī Isa̍tan ē wā ge̍ē yɛ̍ɛ̄lā ɔlɛbɛ̍bi̍ ba̍la obūdeyī ba̍la i̍mamachi̍ ita ɔha̍lɔha̍ wa̍a̍. O̍ ge̍ē bī yɛ̍gra̍ ɔdwɔ̄bi̍ ɔha̍lɔha̍ wa̍a̍ ē gla̍ āchɛ nīi gbɔma ge̍ē chāajɛ ma̍. E̍ ge̍ē chāajɛ wu̍chē oji̍ nɛ, e̍ i̍ nāa lɛlā olēchi̍ lēchi̍ ba̍ ɔgɛgɛ, ywɔ̍ɔnyɛ yī nū hɛ̄ɛbɛ lɛ ɔhɛ̍ta̍ ke̍e̍ ni̍.

Wɔbi̍ Lɛlā Ɔdwɔ̄bi̍ Ɔdwɔnyɛ ɔ̍lɔma̍ nīi ɔ̄chɛ i̍ jo̍ōkū ni̍ ma̍ yɛ ē ya̍ u̍ku̍rɔ̍ u̍ma̍ama mɛ̍. Ɔjā nīi ge̍ē ya̍ ma̍ i̍ chī ge̍ē ya̍ ni̍ kpɛɛ nīi e̍ ē de ɔ̄chɛ nīi ku̍ ɔ̄ bī ma̍ ē gwō gbo̍o̍ ē hī ɔpɔ̄pū o̍bū.