Popular Bible Verses from 1 ITI̍MŌTI 3

Share

Lɔkɔ nīi lɛlā ɔtrɛ̍ba yī ɔgulɛ̄lā yī Ɔwɔ yī alɔ lɔ̄kɔ̄kū ke̍ke̍ni̍ ma̍, ɔ̄chɔ̄chɛ i̍ ge̍ē ta̍ahu̍ yī nū mɛ ni̍. Ikra̍yisi wā la yɛchɛ tū ibi̍īyē bāa ɔ̄chɛ̄ɛchɛ ma̍. Uhu yī Ɔwɔ de chabɔ̄ hīka ɔ̍lɔ lɛ kpakpa gɔ̄grāa. Ayɛ̍ɛ̄chɛ̄rɔ̄ yī Ɔwɔ chī ma̍ ɔ̄. E̍ bī lɛlā yī nū ge̍ ka de ɔchamɔcha wa̍a̍. Āchɛ de ɔtū che ɔ̍ amu la ajɛyɛ̄ɛchɛ. Ɔwɔ de ɔ̍ nāa pīya ga ichō.

Ɔ̄chɛ nīi - ɔlɛhu̍ yī ogrēeyī yī āchɛ yī Ɔwɔ ma̍, ɔ̄chɛ nīi i̍ tū ābī ɔha̍lɔha̍ ni̍ ma̍ nɛ. Ɔlɔjā ge̍ē wu̍ ɔnyā ūkpo̍he kpo̍kpo̍. O̍ ge̍ē lɛ mlɛ̍ɛ̍. O̍ ge̍ē ku̍ iyī nū bī mɛ. O̍ ge̍ē yɛ̍ɛ̄lā ɔgɔgu. O̍ ge̍ē bī āchɔga ē ga wɔlɛ̍. O̍ ge̍ē ngū āchɛ lɛlā mɛ.

Ɔlɔjā ge̍ē bī wɔlɛ̍ yī anu̍ ɔlɔjā yɛ̍yɛ̍ ē mɛ. O̍ ge̍ē ya̍ nīi aɛ̍pɛ̄ yī nū pɔ̍ɔkɔ yī nū la otūlichō odōde de ɔ̍.

Ɔ̄chɛ ɔtwɔ̄bɔ̄ la u̍ku̍rɔ̍ yī ogrēeyī yī āchɛ yī Ɔwɔ ge̍ wu̍ ɔnyā ūkpo̍he i̍ngi̍ngɔ̍ɔ. O̍ ge̍ bī ayi̍ yī nū ba̍la alwɔlɛ̍ yī nū yɛ̍yɛ̍ i̍ngi̍ngɔ̍ɔ. Āchɛ nīi ē ya̍ u̍ku̍rɔ̍ ɔnɛ̄ɛhɛhi ma̍ ē de pīya āchɛ nīi āchɛ yɛ̄mɛ̄mɛ̄ ē tū wā lichō. Āchɛ eli̍ngɔ̍ɔ ē jɔ̍ɔkɔ ē kɛlā bāa ɔ̄chɛ nīi āchɛ ē darɔ̄ku lɛlā yī nū ma̍. O̍ ē lɛ i̍ngɔ̍ɔ nīi o̍ ge̍ re̍ka e̍ yɛ ē kɛlā yī ɔtū nīi alɔ wa̍a̍ de che la Ikra̍yisi Iji̍sɔ̄ɔsi ma̍.