Popular Bible Verses from Aliro̍om 13

Share

Ɔkɔkɔ ɔla̍ā, ala̍ ā nāa Ādā ɔlɔjā nīi - Iji̍sɔ̄ɔsi Ikra̍yisi ma̍ tū la iyē bāa ɛjālɛ̄wu̍ ma̍ gɛ. Ala̍ ā pi̍ye̍mā hī lɛlā yī ala̍ ɛlɛjā nīi ē hla̍ ala̍ la ɔyɔ̍ɔ̄ya̍ ma̍ gɛ.

Ala̍ e̍e dɛ̄ ɔ̄chɔ̄chɛ ure̍ ni̍. Ure̍ ka̍ta̍ nīi ala̍ ge̍ē dɛ̄ ma̍ - ɔhɔtū ɔlɔ̄lɛ de ɔ̍nyīnū nɛ. Ɔ̄chɛmɔ̄chɛ nīi ge̍ yɔ̍ɔhɔtū de ɔ̍nyīmɔ̄chɛ yī nū mɛ̍, o̍ re̍ka ɔlɔjā de Lihɔ yī Imo̍sīisi gbō ke̍e̍ mɛ̍.

Ɔ̄chɛmɔ̄chɛ ge̍ ya̍ lɔkɔ nīi āchɛ nīi bī wɔhu̍ yī ɔcha ɔla̍ā ma̍ ka ma̍. Wu̍chē oji̍ nɛ, Ɔwɔ i̍ ge̍ chɛ̄ o̍bū ni̍, wɔhu̍ yī ɔcha obōbī ɔha̍lɔha̍ i̍ ge̍ē hɔ̄ ni̍. Wɔhu̍ obōbī wa̍a̍ nīi hɔ̄ ma̍, Ɔwɔ de lā i̍ngɔ̍ɔ a̍nɛ.

Otu̍ de hɛ̍ga yɛ amu yɛ gāa mɛ̍; eyī ɔnyɔ̄nyā yɛ aa̍ yewā bɛ̍ɛ̄nɛ̄ a̍nɛ. O̍ lɛ i̍ngɔ̍ɔ ma̍, alɔ ā pi̍ye̍mā hī lɛlā yī ɛbɛ odobū la ɔyɔ̍ɔ̄ya̍ gɛ. Alɔ ā kpo̍ ɛjālɛ̄wu̍ nīi alɔ ge̍ē bī nunu la ɛbɛ ɔlɛgēdēgēdē ma̍ tū la iyē gɛ.

Ɔ̄chɛ nīi yɔ̍ɔhɔtū yī ɔ̍nyīmɔ̄chɛ yī nū ma̍ i̍ ē ya̍ ɔ̄ dwɔ̄bi̍ ni̍. A ge̍ yɔ̍ɔhɔtū mɛ̍, o̍ re̍ka Lihɔ yī Imo̍sīisi ligbo̍ ligbo̍ nīi a yɛ de ē gbō a̍nɛ.

Ala̍ ā kla̍ āā ure̍ yī ɔjā nīi ala̍ dɛ̄ wā ure̍ ma̍. Ala̍ ā ta̍ i̍kpa̍da̍ yī lɛhu̍ yī ala̍ ɛlɛjā ba̍la iyī āɛ̄jā nīi ala̍ lɛ ma̍ de wa̍. Ala̍ ā de otūlichō ba̍la rīgā de alɛhu̍ wa̍a̍.