Popular Bible Verses from Aliro̍om 11

Share

Ɔwɔ ɔlɔjā ya̍ ɔjāha̍ ɔjāha̍ wa̍a̍ a̍nɛ. Ɔjāha̍ ɔjāha̍ wa̍a̍ chī hɔ̄ bū la abɔ̄ yī nū de anu̍ ɔlɔjā. O̍gbo̍ ge̍ - iyī Ɔwɔ kpɛɛ ku yɛ̄grāa ɔha̍lɔha̍! O̍ ge̍ lɛ i̍ngɔ̍ɔ!

Ɔwɔ hwɔhi lɛlā glɛbɛta̍ kpa̍a! Lɛlā oje̍ ka̍ka̍ yī nū ba̍la ochi̍chi̍ lɛlā ojo̍ōje̍ yī nū glɛbɛta̍ kpa̍a! Ɔ̄nyɛ kpɛ̍ɛ u̍tu ge̍ē ka ochi̍chi̍ yī lɛlā ɔmɔ̄miya yī nū mɛ ma̍?

O̍ lɛ lɔkɔ nīi Īpū yī Ɔwɔ ka ma̍: “Ɔ̄nyɛ je̍ ɛri̍ya̍ yī ūkpɔ̄tū yī Ādā ma̍/? Ɔ̄nyɛ kpɛ̍ɛ ge̍ē chabɔ̄ yī lɛlā hu̍ ɔ̄ mɛ ma̍?

I̍ngi̍ngɔ̍ɔ nīi o̍ lɛ u̍ma̍ama yɛ̄grāa nūma̍ a̍nɛ. Āchɛ ɛha̍ hōhī kplɛ̄ɛ̄ gblāa amu nīi Ɔwɔ hu wa̍ ohōhu bū lɛhi ɔyɔ̍ɔ̄ya̍ yī nū ma̍. Ohōhu nīi Ɔwɔ ē hu āchɛ ma̍ bū lɛhi ɔyɔ̍ɔ̄ya̍ yī Ɔwɔ ɔlɔjā. O̍ i̍ bū lɛlā ɔyɔ̍ɔ̄ya̍ yī āchɛ ɔlɔjā ni̍. O̍ ge̍ re̍ka ohōhu ɔla̍ā bū lɛlā nīi āchɛ ɛlɛjā ya̍ o̍bū ma̍ nɛ, nɛ̄ni̍ lɛhi ɔyɔ̍ɔ̄ya̍ yī Ɔwɔ i̍ ge̍ re̍ka lɛlā olēchi̍ lēchi̍ ni̍.

Ɔchi̍ nīi re̍ka o̍līifu nīi e̍ ē tōtū ma̍, e̍ de a̍bɔ̄ yī nū ɛha̍ kpo̍ hwō. E̍ bī a̍bɔ̄ yī o̍līifu ɔha̍ nīi bū rɛ la a̍chi̍ ji ma̍ ge̍ ku ɔ̍ mɛ̍. Ala̍ Ɛchɛkɔcha re̍ka o̍līifu ɔla̍ā nīi bū rɛ la a̍chi̍ ji ma̍ a̍nɛ. U̍ma̍ama, ala̍ chī yɛ amu ē bɔ̍ɔ̄ba̍ ē nāa wɔhu̍ ba̍la ɔhɔ̄leyī ɔnɔ̄kɔ̄kū yī āchɛ yī Iju̍u mɛ̍. O̍ chī lɛ i̍ngɔ̍ɔ nyaa ma̍, ala̍ e̍e chi̍hi̍ya̍ yī āchɛ nīi lɛ bāa a̍bɔ̄ yī o̍līifu nīi e̍ de kpo̍ hwō ma̍ ni̍. Ɛba̍achɛ ma̍, ala̍ ge̍ē u̍tu jɛ̄ kana̍ ma̍? Ala̍ chī lɛ bāa abɔ̄ yī ɔchi̍ ɔbɔbɔ ma̍. I̍ ala̍ ē chī bī ɔgba yī ɔchi̍ ɔlɔjā a̍ni̍. Ɛgba ē bī ala̍ nīi re̍ka a̍bɔ̄ ma̍ a̍nɛ.