Popular Bible Verses from Aliro̍om 10

Share

A ge̍ de ka hi̍yɛchɛ la oko̍nu hīka, Iji̍sɔ̄ɔsi Ikra̍yisi ɔ̍lɔ - Ādādā a̍nɛ, nīi a de chɛ̄ i̍ngɔ̍ɔ abɔ̍ɔ lipu̍ ūkpɔ̄tū yī wɔ hīka Ɔwɔ ɔ̍lɔ de ɔ̍lɔ hye̍ēyī la okū mɛ̍, ɔ̍lɔma̍ a ge̍ lɛ ɔhɛ̍ta̍.

Wu̍chē oji̍ nɛ, bū la ɔchɛ̄ ku Ɔwɔ la ūkpɔ̄tū yī alɔ nīi alɔ ē de ē lɛ kpakpa ba̍la Ɔwɔ a̍nɛ. Obū la ode ka hi̍yɛchɛ nīi alɔ ē chī lɛ ɔhɛ̍ta̍ a̍nɛ.

Ala̍ ma̍ gɛ ko̍ō! Ɔtū ode chōche bū la ɛrɔ̄ yī Ɔwɔ opo̍ōpo̍. Ɛrɔ̄ ɔla̍ā chī bū la lɛlā yī Iji̍sɔ̄ɔsi Ikra̍yisi nīi e̍ ē bī koko̍o ē de āchɛ ma̍.

Īpū yī Ɔwɔ ka ɔ̍lɔ ge̍, “Ɔ̄chɛmɔ̄chɛ nīi ge̍ de ɔtū che ɔ̍, o̍ i̍ ge̍ē de liwēyī de ɔlɔjā ni̍.” Lɛlā nūma̍ chɛ̄chi̍ yī āchɛmāchɛ wa̍a̍ tū. Ɔpɔ̄pū ɔha̍lɔha̍ i̍ hɔ̄ abɔ̍ɔ de āchɛ Iju̍u kɛ̄ɛ Ɛchɛkɔcha lɛ̍kɛ̍kɔ̍ ni̍. Ɔwɔ ūkpo̍he re̍ka Ādādā yī āchɛ wa̍a̍ a̍nɛ. Anu̍ ē de ɔpiyɛ ē mwɛbɛ mwɛbɛ de āchɛ nīi drɛ̄ɛgba hī ɔ̄ ma̍ a̍nɛ. O̍ lɛ lɔkɔ nīi Īpū yī Ɔwɔ ka ma̍, “Ɔ̄chɛmɔ̄chɛ nīi ge̍ drɛ̄ɛgba hī Ādā ɛra̍, o̍ ge̍ē de ɔlɔjā hɛ̍ ē ta̍ ke̍e̍.”

O̍ i̍ ge̍ chī de alɛrɔ̄ yī nū tɛ̄rɔ̄ o̍bū ni̍ ma̍, kana̍ nīi ɛrɔ̄ yī nū ge̍ē ngmɛ̍rɛ̍ la okoko̍o de āchɛ ma̍? O̍ chī lɛ lɔkɔ nīi Īpū yī Ɔwɔ ka ma̍: “Ɔwɔ̄wā nīi āchɛ obī Wɔ̄kā Ɔlwɔnyɛ yī Ɔwɔ yɛ ma̍ ē wā ma̍ hwɔhi kpɛ̍ɛ ɛbɛ̍bɛ̍ ɛbɛ̍bɛ̍!”

E̍ i̍ ge̍ chī de ɔtū che Ādā o̍bū ni̍ ma̍ kana̍ nīi e̍ ge̍ē drɛ̄ɛgba ē hī ɔ̄ mɛ ma̍? E̍ i̍ ge̍ chī po̍ ɛrɔ̄ yī nū o̍bū ni̍ ma̍, kana̍ nīi e̍ ge̍ē de ɔtū che ɔ̍ ē mɛ ma̍? Āchɛ i̍ ge̍ chī koko̍o yī ɛrɔ̄ yī nū o̍bū ni̍ ma̍, kana̍ nīi e̍ ge̍ē po̍ ē mɛ ma̍?

Wu̍chē oji̍ nɛ, Ikra̍yisi re̍ka ɔchlɛhu̍ yī Lihɔ yī Imo̍sīisi a̍nɛ. O̍ lɛ i̍ngɔ̍ɔ hɛ̄ɛbɛ nīi ɔ̄chɛmɔ̄chɛ ji nīi ge̍ de ɔtū che Ikra̍yisi mɛ̍ ge̍ē de ē lɛ kpakpa ba̍la Ɔwɔ ɔlɔjā.