Popular Bible Verses from 1 Alikɔ̍rīnti 5

Share

Onīi ami yɛ ē ka ma̍, ɔ̄chɛ nīi hī iyī nū ka anɔ̍lɔ - ɔɔ̍nɛ̍ yī ala̍ gala abɔ̄ yī Ikra̍yisi ma̍ nɛ. Ɔ̄chɛ oli̍ngɔ̍ɔ ge̍ yɛ ē yɛ̍ɛ̄lā ya̍chi yī anyā ba̍la angrɔ̄ɔ, kɛ̄ɛ ē ya̍ ānyānyi, kɛ̄ɛ ē pā ɛchi̍yɛka, kɛ̄ɛ ē bīya riyī yī āchɛ, kɛ̄ɛ ē gwa̍ ɔjā ka̍ka̍ ē de ē wɔ̄wīyā, kɛ̄ɛ ē wūwī, ala̍ e̍e trīibi tāa anu̍ ni̍. Ala̍ e̍e tābɔ̄ yī ojōre̍ ba̍la ɔ̄chɛ oli̍ngɔ̍ɔ o̍bo̍bū ni̍.

Ala̍ ā de lɛlā ɔdwɔ̄bi̍ ɔyɔ̍ɔ̄ya̍ nīi lɛ bāa ɔjā obī ibrɛ̍ɛdi nōnū nīi - ɔnɛ̄chɛ̄ ma̍ wu̍ ta̍anū gɛ, hɛ̄ɛbɛ nīi ala̍ ge̍ de lɛ chra̍da̍da̍ gɔ̄grāa. Bū la ɛbɛ ɔla̍ā, ala̍ ge̍ē de ē lɛ bāa ɔjā nīi e̍ de ti̍yatū yɛ ge̍ē ya̍ ibrɛ̍ɛdi nīi i̍ tū ɔjā obī ɔ̄ nōnū ni̍ ma̍. N u̍tu jo̍ōkū mɛ̍ hīka i̍ngɔ̍ɔ ke̍e̍ nīi ala̍ lɛ a̍nɛ. Wu̍chē oji̍ nɛ, yɛ̄grāa yī Ɔwɔ̄wīyā yī Owu̍lā yī alɔ de gbajɛ mɛ̍. E̍ de Ikra̍yisi ngmo̍ mɛ̍. Anu̍ - ɔyɔ̍ɔ̄nyīyɛrɔ̄ yī alɔ bāa onīi e̍ ē ngmo̍ la yɛ̄grāa yī Ɔwɔ̄wīyā yī Owu̍lā ma̍ a̍nɛ.

- Ɔna̍ u̍tu iyī u, nīi n ge̍ē hɛ̍ alyɛchɛ nīi i̍ tū tāa alɔ ni̍ lɛpɔ̄ ma̍/? Ɔwɔ ɔlɔjā ge̍ē hɛ̍ wā lɛpɔ̄ a̍nɛ. Āchɛ ɛla̍ā chī tū lipu̍ yī ogrēeyī yī ala̍ ma̍, ala̍ ge̍ē hɛ̍ wā lɛpɔ̄. Wu̍chē oji̍ nɛ, Īpū yī Ɔwɔ ka i̍ngɔ̍ɔ hīka, “Ala̍ de ɔ̄chɛ ɔdwɔ̄bi̍ wu̍ligbo̍ hī lipu̍ yī ala̍.”