Popular Bible Verses from 1 Alikɔ̍rīnti 13

Share

Ɔhɔtū tū ɔtū ɔmɔ̄mla ba̍la ɔlɛyaya. Uji otū ɔ̄chɛ, kɛ̄ɛ lɛlā oche de iyī ɔ̄chɛ, kɛ̄ɛ ɛba̍achɛ i̍ hɔ̄ la ɔhɔtū ni̍. I̍gbɛri̍ya̍ tū ɔ̄chɛ ni̍, kɛ̄ɛ oje̍ iyī ɔ̄chɛ iyī ɔ̄chɛ i̍ hɔ̄ la ɔhɔtū ni̍. Ohli̍kpa̍ ya̍ ɔtū ngurangura i̍ hɔ̄ la ɔhɔtū ni̍. Ɔhɔtū i̍ ē de lɛlā nīi ɔ̄chɛ ya̍ dwɔ̄bi̍ tāa ɔ̄chɛ ma̍ ē gbōgbō ni̍.

Ɔhɔtū i̍ ē wa̍ābɔ̄ yī lɛlā ni̍. Ɔtū ode chōche ba̍la eyī ode chōche ba̍la ɔtū ɔmɔ̄mla nīi bū la ɔhɔtū ma̍ i̍ ē mwajɛ ni̍.

Ɔhɔtū i̍ ē rɛ̍ɛya ba̍la lɛlā ɔdwɔ̄bi̍ ni̍. Lɛlā olēchi̍ lēchi̍ re̍ka ɔya yī ɔhɔtū a̍nɛ.

U̍ma̍ama, ɛjā ɛta̍ nūma̍ nīi hɔ̄ ma̍ ge̍ē ri̍yɛchɛ a̍nɛ: Ɔtū ode chōche, eyī ode chōche ba̍la ɔhɔtū. Onīi chī gɔ̄ga wa̍a̍ ma̍ - ɔhɔtū nɛ.

Ɔhɔtū - ɔjā i̍mɔ̄mɛni̍ nɛ. Ɛrɔ̄ wa̍a̍ nīi Ɔwɔ ē tū ma̍ hɔ̄, e̍ i̍ chī ge̍ē hɔ̄ i̍ngɔ̍ɔ kpɛɛ ni̍. Ɔcha ɔlɛbɛ̍bi̍ ɔkɔ̄kā nīi Ɔwɔ de ma̍ hɔ̄ we̍, ɔla̍ā chī ge̍ē ba̍ we̍. Ochi̍chi̍ yī lɛlā ojo̍ōje̍ ka̍ka̍ nīi Ɔwɔ de ma̍ hɔ̄ we̍, e̍ i̍ chī ge̍ē hɔ̄ gɛ ni̍ we̍.

N ge̍ kɔ̄ka ɔcha yī āchɛ̄ɛchɛ wa̍a̍ ba̍la iyī ayɛ̍ɛ̄chɛ̄rɔ̄ yī Ɔwɔ mɛ nīi ɔhɔtū i̍ ge̍ hɔ̄ la ūkpɔ̄tū yī u ni̍, ɔ̍lɔma̍ lɛlā ɔkɔ̄kā yī u ge̍ē lɛ i̍ngɔ̍ɔ ke̍e̍ bāa ojiya yī uje kɛ̄ɛ ichɛchɛ ma̍.

N ge̍ ro̍ōre̍ka ɔ̄chɛ opo̍ ɛrɔ̄ yī Ɔwɔ ka de āchɛ, n ge̍ ro̍ōre̍ka ɔ̄chɛ oje̍ ochi̍chi̍ yī lɛlā wa̍a̍ jo̍ōkū yī lɛlā nīi trɛ̍ba hī āchɛ ma̍, n ge̍ ro̍ōre̍ka ɔ̄chɛ ode ɔtū che Ɔwɔ gba̍a̍ nīi ē kɛlā tāa yɛwu nīi yɛwu ē kpo̍ wɔlɛ̍ ma̍, ɔhɔtū i̍ ge̍ hɔ̄ la ūkpɔ̄tū yī u ni̍, ami i̍ ɔjɔ̄jā ni̍.

N ge̍ dōde ɛjā wa̍a̍ nīi n lɛ ma̍ kpo̍ kɔ̄, n ge̍ dōde ibi̍īyē yī u nāa de nīi e̍ de kwɔla̍, ɔhɔtū i̍ ge̍ hɔ̄ la ūkpɔ̄tū yī u ni̍, ɛla̍ā wa̍a̍ i̍ ge̍ē ya̍ u lɛhi yī ɔjɔ̄jā mɛ ni̍.

Yɛ̄grāa nīi n e̍e - ɔɔ̍pɛ̄ ma̍, n ē klɛɛ̍pɛ̄, n ē gbɛri̍ya̍ yī lɛlā yī ɔɔ̍pɛ̄, n ē hɛ̍ri̍ya̍ yī lɛlā bāa ɔɔ̍pɛ̄ ma̍. U̍ma̍ama nīi n de pīya ɔnyāku̍ ma̍, lɛlā yī lɛɛ̍pɛ̄ ɔla̍ā wa̍a̍ i̍ ɔjɔ̄jā de u gɛ ni̍.