Popular Bible Verses from Sâm 31

Share

Kángkáng banet ḿbé mbe ba-tî ng okabe ké Óburúkpâbí, kyú n̂g shwanshwan, ba-cíp dyityém.

Me mu ké bubwô eyên kángkáng nkéré. Nyii mě ké abwô nyí banet-bushwôn ejí, ne nyí banet ḿbé mbe ba-kyâ mě busông.

Byěm ḿbyí byinong ḿbyí a/tî banet ḿbé mbe ba-kyâ ǒ ofê bii*nwa eri*. Nang yeě mu o-nyît ng eringe nyí wo a/nwa, ne eringe nyí wo amu a-ku ng banet ḿbé ba/tî dyityém ké wo.

Nké me n/tî dyityém ké wo, ǎ Óburúkpâbí. Wo nké amu Osówo ejí.

Wo amu kyikit-dyirem ne onet mú mu o-ku ng mě. Bám mě a-tông mě kiǐfáng wǎ eringe nyí a/ryí ocím.

Me n/yip byiko ejí n-kye ǒ n/fu, tún mě. Óburúkpâbí, wo a/chi a-nyii mě. Wo Osówo mú mu o-tî ng ocím mú o/ryí.

Óburúkpâbí ojê běn ben kángkáng banet emen ḿbé ba/fé dyityém ké nyǐ. Óburúkpâbí mu o-ku ng banet ḿbé ba/fé dyityém ké nyǐ. Nké nyǐ mu o-kyâ bantông byiko busông ḿbú bu/kwárê ne mbé.

Mu m-bâ n-kâm ǒ n/fu, ku mě. *Dabángê ne banyá ba-kpógê mě*. Wo amu Osówo mú mu o-chi i kanong. Me mu n-fâ nshwam n/fu, nyii mě.