Popular Bible Verses from Sâm 139

Share

Me mu m-kpee ng ǒ, ké nǎ, wo nké bada ǒ eshî. Kángkáng ḿbyí amu a-chi i mbyi ḿbyí ba*da/ri ne* ne byi/rêe kanong kanong. Me mu n-nyît ng kámbyí ne dyityém ejí kángkáng.

Ô Osówo, pet mě a-nyît dyityém ejí. Kan mě a-ri okabe ejí. Kyé a-ri â me mu nang ne kyibî kyibónge, a-tông mě [kiǐfáng ńkyí ne banyá.]

Wo nké a/mee kángkáng byipang-enyam-byiko ejí. Wo nké a/cibi mě kángkáng byipang-enyam-byiko ejí ké dyifít-boné ejí.

Wo a/ri mě ne ba-kû mě efwon. Wo a/sáng ací amúmú nyí a/kye mě ké nwet eyên ne mbwôp kashú-dyicí o-kpet.

Óburúkpâbí, wo aa/pet mě a-ri, ne wo amu a-nyît ng mě.

Me n-jâ nyá ne n-fem ké abwô eyên. Nyá nké me ndaman echêe ké bushú eyên.

Wo amu a-nyît ng kángkáng byěm ḿbyí me mu n-chi i. Nang a/waa tete, a-nyît ng kángkáng okabe ejí.

Nang ne me n-kûraa, wo aa/nyît kpáá ńkyí me n/chi n-raa.

Wo amu a-ri ng mě. Nang me mu n-chi i bǎmkpóngé nang mu n-jáng ng, wo amu a-nyît ng kángkáng ńkyí mu n-chi i.