Popular Bible Verses from Sâm 119

Share

Ejá eyên nyi mě wǎ kiinwángé-otyuryíkáng ńkyí kyida mě etông kiǐfáng.

Me mu n-tî ng byije eyên ké dyityém ejí eringe nyí me nn*chi kyibî ké bushú eyên*.

Kyisu-onyinchéng kyi-cen n nǎ ne o-tî dyikpen emen kpárám. O-man n etî kándyí â mu o-chi i ńkyí byije eyên byi/sét.

Bunyîn-dyityém mbu ne banet ḿbé mbe ba-chi i ńkyí nyǐ mu o-sét ng, ḿbé mbe ba-chi i ne atyém ebe kángkáng ńkyí nyǐ o/fu, bachi.

Wo nké amu a-ku ng mě ne amu kyikit-dyirem ejí. Me mu n-tî ng achi ejí ké ocím eyên mú a/ryí.

Sét mě wááng eringe nyí byije eyên mbyi, ne me n/chi n-chi eringe nyí byi/sét. Me n/chi n-tî kámbyí ne dyityém ejí kángkáng.

Kye mě dyityém ńdyí ndatî byije eyên, *chí ńdyí ndajá esang*.

Busông ejí bu/mû kanong ne me, ké nǎ, bu/chi mě n-kwâa byije eyên.

Nang ké busông ejí, me m/mû ké bunyîn-dyityém, ké nǎ, ocím eyên eryí o/kye mě dyikpen.

Tông mě bukwóp ḿbú ndatî byije eyên, ké nǎ, ké mbyí nké mu n-ri ng bunyîn-dyityém.

Óburúkpâbí, tángê mě kyikû ńkyí byije eyên ne me n/chi n-chi eringe nyí byi/sét kángkáng nkéré.

Bafip baa/shwôm mě busa. Chi mě n-shwane wǎ eringe nyí wo a/ryí ocím.

Byije eyên byi-jê ng mě kanong kanong. Me mu n-kabe ng kyi-kim ne mbyí dyicí dyimúmú.