Popular Bible Verses from Sâm 103

Share

Kyirim ejí, kye Óburúkpâbí akpee. *Dachi a-ráp eringe nyí nyǐ o/cángê dyityém*.

Nyǐ mu o-pwoo ng mě ké kángkáng byibî ejí, ne mu o-chi i to kángkáng byirwóm ejí byi-man. Nyǐ o*fí o-bángê e ba-fé mě ké dyikun* ne mu o-jware ng mě to ne kyijé ne bafip eri. Nyǐ mu o-kyâ [dyikpen ejí] byěm ḿbyí byinong eringe enyam-byiko ejí edawaa efyîfî ne shwaneshwane wǎ nyí kiinkwa.

Kyirim ejí, kye Óburúkpâbí akpee. Kyirim ejí kángkáng kyikpee dyizîn emen ńdyí dyinong.

Óburúkpâbí mu o-cángê e dyityém ne banet ḿbé mbe ba-kyâ ǎ ofê wǎ eringe nyí bonchí-bwǎn mu o-cángê e dyityém ne bwǎn emen.

Nyǐ mu o-kúng ng byibî eten o-câ ne mbyí tíbítíbí wǎ eringe kyikit ńkyí óbyísû odabyí kyi/tíbî ne ńkyí odaríbî.

Óburúkpâbí mu o-ri ng banet bafip, ne mu o-tông ng banet kyijé. Nyǐ kaa*sa ǎ babap* ne kyijé kii*man ǎ ké byiko*.

Nyǐ o*fí o-kyâ bě busông wǎ eringe nyí byi/mû byi/chi byi-koo kámbú* o-só bě nang osó ké byibî eten ne orông eten*. Kyijé emen ńkyí mu o-tông ng banet ḿbé mbe ba-kyâ ǎ ofê kyi/rêe wǎ eringe nyí bubóng mbu kyíbóng nyáám bu-shwôm ejíí.

Óburúkpâbí oo/tî kakyúng-butu emen kyíbóng, ne nyǐ mu Otu mú kángkáng banet.