Popular Bible Verses from Póróvep 4

Share

Bwom chee a-kabe. Okabe eyên nké mu wǎ dyijwáng ńdyí dyikpen eyên.

Kabe kanong kanong kyi-kim ne ńkyí amu a-chi i, ne nang ebóng chwǒm ńkyí amu a-chi i kyi/chi kyi-kyú kanong.

*Dachi a-raa chwǒm nang kyibónge ńkyí kyi*fí ntûntû*. *Dakyú ne abwô ké byisédéng* ne ké byiraa ḿbyí byi*fí ké kafâ*.

Bubong ejá nkyi kiǐtí-chwǒm ńkyí adachi. Nang ebóng chwǒm kyikíri ńkyí amu ne nkyí, já byinyídíng.

Kiǐfáng ńkyí banet ḿbé mbe ba-chi i kanong mbe ba-cen n nkyi wǎ óbyísû-dyicófóróng mú mu o-wángê e o-bâ tete dyicí dyi-wángê. Nké kiǐfáng ńkyí bambên atyém nkyi kyifip kyífip wǎ buchú. Mbé mbe ba-myii ng, nké baa*man eri chwǒm ńkyí mbé ba/kpán ké nkyí*.

*Dachi a-né bubong* ne mbú bu/chi bu-ku ǒ. Bubong bujê ǒ, ne mbú bu/chi bu-bám ǒ.

Kángkáng nkéré, zîim ńkyí aa/kwâa. Byěm eyên ḿbyí amu a-kwâa ng nké mbyi dyikpen eyên. Tún kámbyí kanong.

*Dace kyicê ńkyí byibî-banet mbe ba-câ*. *Dakúng kyiká-bucen ńkyí bambên atyém*.

Bwǎn ejí, jwo n̂g ńkyí ńchân mu o-tángê e běn. Tî n̂g atông ba-jwo ǎ, ne ben ba/chi ba-já byinyídíng.