Popular Bible Verses from Póróvep 22

Share

Tángê wǎsíng bukwóp ḿbú odakyú dyikpen emen, ne nyǐ o/chi o-kûzîim kánkyí ké dyikpen emen kángkáng.

Esang ne ofê ne dyikpen, ányi eyáré nyí budegere ekyú ne Óburúkpâbí ofê ekye.

Kyi-nwa ng ńkyí adakyú ne dyizîn ńdyí dyinong kyi-shwôm ńkyí adakyú ne biǐzú-akpuga.

*Daryí bucín ne banet ḿbé mbe ne kiikuku ne kafâ esa*.

Osówo o-jware ng onet mú o/cángê dyityém, ké nǎ, onet ámu mu o-kyii ng byiryíng emen o-kye banet-kyikpu.

Onet mú mu ne byinyídíng o-chêe ng afaníkong â o/ri kányí a-kú a-bâ, nké onet mú o*da/nyît ne chwǒm* o-cen n o-kâm kányí ne o-chi ájângmé ké nkéré oo/róng ké nyǐ.

Banet-kyikpu ba-chi i básóng ḿbé onet-esang. Pwoo akpuga ne wo a/chi a-firi ósóng mú onet mú o/pwoo ǒ akpuga.

Onet-esang ne onet-kyikpu mbe eringe ebónge, ké nǎ, mbé kángkáng Óburúkpâbí nké o/chi kámbé.

*Daryí onet-kyikpu mpún* ké nǎ, nyǐ mu kyikpu* a-cít nang banet ḿbé ba*fí ne ochwâp* ké esuk*. Óburúkpâbí o/chi o-bwom mpan ké bubwô ebe o-bên akpen nyí banet ḿbé mbe ba-bên n nyí banet-kyikpu.