Popular Bible Verses from Póróvep 15

Share

Ejá degere e-man n dyityém-busa, nké nyí bakân e-buu ng dyityém-busa.

Ofê mú adakye Óburúkpâbí nkyi chwǒm ekwâa kyi-kim ne bubong. A-man a-kyú degere ne a-já ofê.

Ejá-dyityém ecángê e-kyâ dyikpen, nké nyí dyityém ebên e-ju ng onet.

Koo kángkáng bacê ḿbé adaman ekoo ne okabe eyên o/chi o-byí ǒ dyishí. Â bacê ba*fí* wo a/chi a-róng.

Banet ba-nyet ng éjwô ké nkéré mbe ké bunyîn-dyityém, nké mbé ba-kpút ng kashú ké nkéré mú bafip.

Óburúkpâbí mu o-ri ng ńkyí nkyi kyi-chi i ké kángkáng byikit. Nyǐ mu o-tún n bě nang byimu byi-chi i kanong nang kyibî.

Nkyi kanong ńkyí adakyú kyikpu a-kye Óburúkpâbí ofê kyi-shwôm ńkyí adakyú ne akpuga a-já afaníkong.

Kiikuku kyi-cen n ne okân ké dyishí, nké dyityém chee dyi-bâ ne bunyîn-dyityém.

Banet ḿbé mbe ba-chi i kanong ba-kabe ng ne ba-faa ojá. Byibî-banet baa*kabe ne ba-faa*. Nké ńkyín kyi-cen n ne afaníkong.